విజయనగరం, సూర్య న్యూస్ : మాజీ మంత్రి బొత్స సత్యనారాయణ మేనల్లుడు, ప్రస్తుత విజయనగరం జిల్లా పరిషత్ చైర్మన్ మజ్జి శ్రీనివాసరావు అలియాస్ చిన్న శ్రీను వైఎస్ఆర్ కాంగ్రెస్ పార్టీకి (YSRCP) రాజీనామా చేశారు. ఆయన తన పార్టీ ప్రాథమిక సభ్యత్వంతో పాటు విజయనగరం జిల్లా అధ్యక్షుడు, భీమిలి నియోజకవర్గ సమన్వయకర్త (Coordinator) పదవులకు కూడా విరమణ చేస్తున్నట్లు ప్రకటించారు.
పార్టీ అధినేతకు రాజీనామా లేఖ ఈ మేరకు చిన్న శ్రీను తన రాజీనామా లేఖను పార్టీ అధినేత వైఎస్ జగన్మోహన్ రెడ్డికి పంపినట్లు సమాచారం. విజయనగరం జిల్లా రాజకీయాల్లో ఆయనకు బలమైన పట్టు ఉందని రాజకీయ వర్గాల్లో చర్చ జరుగుతోంది. ప్రస్తుతం జడ్పీ చైర్మన్గా కొనసాగుతున్న ఆయన, వైదొలగిన తర్వాత భవిష్యత్తులో ఏ రాజకీయ పార్టీలో చేరుతారనే విషయంపై ఇప్పటివరకు ఎలాంటి అధికారిక ప్రకటన చేయలేదు. రాబోయే రోజుల్లో ఆయన తీసుకునే నిర్ణయం జిల్లా రాజకీయాల్లో కీలకం కానుందని విశ్లేషకులు భావిస్తున్నారు.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
