విజయవాడ, సూర్య న్యూస్ : విజయవాడలోని ఇంద్రకీలాద్రిపై (Indrakeeladri) శ్రీ దుర్గామల్లేశ్వర స్వామి వార్ల దేవస్థానంలో శరన్నవరాత్రి ఉత్సవాలు అత్యంత వైభవంగా జరిగాయని ఆంధ్రప్రదేశ్ ముఖ్యమంత్రి నారా చంద్రబాబు నాయుడు (CM Chandrababu Naidu) హర్షం వ్యక్తం చేశారు. పది రోజుల పాటు సాగిన ఈ దసరా ఉత్సవాల్లో భక్తులకు కల్పించిన మెరుగైన సౌకర్యాలు, సేవల నాణ్యత పట్ల ఆయన సంతృప్తి వ్యక్తం చేశారు.
ఈ ఏడాది దసరా ఉత్సవాల్లో రికార్డు స్థాయిలో పది రోజుల్లో 15 లక్షల మందికి పైగా భక్తులు కనకదుర్గ అమ్మవారి దర్శన భాగ్యం పొందడం చాలా సంతోషకరమైన విషయమని ముఖ్యమంత్రి పేర్కొన్నారు. అలాగే దాదాపు 8 లక్షల మంది భక్తులు అన్నప్రసాదం స్వీకరించారని, ఇది అమ్మవారి సేవలో అధికారులు, సిబ్బంది చేసిన సమిష్టి కృషికి నిదర్శనమని ఆయన కొనియాడారు.
గత సంవత్సరాలతో పోలిస్తే ఈసారి భక్తులు అమ్మవారిని దర్శించుకోవడానికి పట్టే సమయం గణనీయంగా తగ్గిందని చంద్రబాబు గుర్తుచేశారు. దర్శన సమయం తగ్గడంతో పాటు భక్తులకు అందించే సేవల నాణ్యత కూడా మునుపటి కంటే పెరగడం అభినందనీయమని అధికారులను, ఆలయ పాలక మండలిని ఉద్దేశించి ముఖ్యమంత్రి ప్రశంసించారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
