హైదరాబాద్, సూర్య న్యూస్ : ప్రముఖ సీనియర్ నటుడు, దర్శక నిర్మాత గిరిబాబు (Actor Giri Babu) మరణవార్త తనను తీవ్ర దిగ్భ్రాంతికి గురిచేసిందని బీఆర్ఎస్ పార్టీ రాష్ట్ర కార్యదర్శి, తెలంగాణ గౌడ సంక్షేమ సంఘం వ్యవస్థాపక అధ్యక్షులు గట్టు రామచంద్రరావు (Gattu Ramachandra Rao) విచారం వ్యక్తం చేశారు. గిరిబాబు మృతి పట్ల ఆదివారం ఒక ప్రకటనలో ఆయన ప్రగాఢ సంతాపం తెలియజేశారు.
ఐదు దశాబ్దాలకు పైగా తెలుగు సినీ పరిశ్రమలో తనదైన నటనతో, విలక్షణమైన పాత్రలతో ప్రేక్షకుల హృదయాల్లో చెరగని ముద్ర వేసిన గిరిబాబు ఇక లేరనే చేదు నిజాన్ని జీర్ణించుకోలేకపోతున్నానని ఆయన ఆవేదన వ్యక్తం చేశారు. నటుడిగానే కాకుండా దర్శకుడిగా, నిర్మాతగా, రచయితగా బహుముఖ ప్రజ్ఞాశాలిగా సినీ రంగానికి గిరిబాబు చేసిన సేవలు అజరామరమైనవని కొనియాడారు.
వ్యక్తిగతంగా గిరిబాబు తనకు ఎంతో సన్నిహితులని, ఒక ఆప్తమిత్రుడిని కోల్పోవడం తనకు తీరని లోటని రామచంద్రరావు విచారం వ్యక్తం చేశారు. ఆయన పవిత్ర ఆత్మకు శాంతి చేకూరాలని భగవంతుడిని ప్రార్థిస్తూ.. శోకతప్తులైన వారి కుటుంబ సభ్యులకు తన ప్రగాఢ సానుభూతిని తెలియజేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
