హైదరాబాద్, సూర్య న్యూస్ : టెక్ దిగ్గజం గూగుల్ (Google) డిగ్రీతో సంబంధం లేకుండా అభ్యర్థులకు ఏకంగా రూ.11 కోట్ల భారీ ప్యాకేజీతో ఉద్యోగ అవకాశాన్ని కల్పిస్తోంది. గూగుల్ డీప్‌మైండ్ (Google DeepMind) విభాగంలో కొత్తగా ఏర్పాటు చేసిన ‘పోలారిస్’ ఏఐ టీమ్ కోసం సాఫ్ట్‌వేర్ ఇంజనీర్లను నియమించుకుంటున్నట్లు సంస్థ ప్రకటించింది.
ఈ ఉద్యోగానికి ఎంపికైన వారికి ఏడాదికి 5.5 లక్షల డాలర్ల నుంచి 11 లక్షల డాలర్ల వరకు వార్షిక వేతనం అందుతుంది. భారత కరెన్సీలో ఇది దాదాపు రూ.5.3 కోట్ల నుంచి రూ.10.60 కోట్ల వరకు ఉంటుంది. ఈ నియామక ప్రక్రియకు సంబంధించి గూగుల్ ఇంజనీర్ తమే బెసిరోగ్లు సామాజిక మాధ్యమం ఎక్స్ వేదికగా పంచుకున్న పోస్ట్ ప్రస్తుతం నెట్టింట వైరల్ అవుతోంది.
నైపుణ్యానికే పెద్దపీట
ఈ ఉద్యోగానికి దరఖాస్తు చేసుకునే అభ్యర్థులకు ఎటువంటి అధికారిక డిగ్రీ అవసరం లేదని గూగుల్ స్పష్టం చేసింది. సాఫ్ట్‌వేర్ డెవలప్‌మెంట్ మరియు ప్రోగ్రామింగ్‌లో అసాధారణమైన ప్రతిభ కనబరిస్తే సరిపోతుందని వెల్లడించింది. కేవలం క్లిష్టమైన సాంకేతిక సమస్యలను పరిష్కరించగల సామర్థ్యం మరియు వాస్తవ కోడింగ్ నైపుణ్యాలు ఉన్నవారు ఈ ఉద్యోగానికి పూర్తి అర్హులని కంపెనీ పేర్కొంది.
సాంప్రదాయ విద్యా అర్హతల కంటే ప్రాక్టికల్ నైపుణ్యాలకే దిగ్గజ కంపెనీలు ఇప్పుడు అధిక ప్రాధాన్యత ఇస్తున్నాయి. కాగితాలపై ఉండే సర్టిఫికెట్ల కంటే అభ్యర్థుల వాస్తవ ప్రతిభను కొలమానంగా తీసుకోవడం ఈ మారుతున్న ట్రెండ్‌కు నిదర్శనం. భవిష్యత్తులో స్కిల్ బేస్డ్ హైరింగ్ విధానం రిక్రూట్‌మెంట్ ప్రక్రియలో పెద్ద మార్పులకు నాంది పలుకుతుందని నిపుణులు విశ్లేషిస్తున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
