TSLPRB Constable Recruitment 2026 : నిరుద్యోగులకు బిగ్ అలర్ట్.. పోలీసు శాఖలో ఉద్యోగాల భర్తీకి కొత్త నోటిఫికేషన్, జీతం రూ. 72 వేలకు పైనే!

Hyderabad, Surya News: తెలంగాణ రాష్ట్రంలో పోలీస్ ఉద్యోగార్థులకు (Police Job Aspirants) ప్రభుత్వం తీపి కబురు అందించింది. తెలంగాణ స్టేట్ లెవెల్ పోలీస్ రిక్రూట్‌మెంట్ బోర్డు (TSLPRB) పోలీస్ ట్రాన్స్‌పోర్ట్ ఆర్గనైజేషన్‌లో (Police Transport Organisation) ఖాళీగా ఉన్న పోస్టుల భర్తీకి కొత్త నోటిఫికేషన్ విడుదల చేసింది.

​ఈ ప్రకటన ద్వారా స్టేపెండరీ క్యాడెట్ ట్రైనీ (SCT) పోలీస్ కానిస్టేబుల్ (మెకానిక్), పోలీస్ కానిస్టేబుల్ (డ్రైవర్) పోస్టులను భర్తీ చేయనున్నారు. అర్హత, ఆసక్తి కలిగిన పురుష అభ్యర్థులు ఆన్‌లైన్ విధానంలో (Online Applications) దరఖాస్తు చేసుకోవచ్చు.

మరిన్ని బ్రేకింగ్ వార్తల కోసం

Surya News WhatsApp Channel లో జాయిన్ అవ్వండి

Join

ఖాళీల వివరాలు

ఈ నోటిఫికేషన్ ద్వారా మొత్తం 27 పోస్టులను భర్తీ చేయనున్నారు.

SCT పోలీస్ కానిస్టేబుల్ (మెకానిక్) – పురుషులు: 07 పోస్టులు

SCT పోలీస్ కానిస్టేబుల్ (డ్రైవర్) – పురుషులు: 20 పోస్టులు

విద్యార్హతలు

కానిస్టేబుల్ (మెకానిక్): పదవ తరగతి (SSC) ఉత్తీర్ణతతో పాటు ఆటో ఎలక్ట్రీషియన్, మెకానిక్ మోటార్ వెహికల్, మెకానిక్ డీజిల్, లేదా ఫిట్టర్ ట్రేడుల్లో ITI సర్టిఫికేట్ ఉండాలి.​

కానిస్టేబుల్ (డ్రైవర్): ఇంటర్మీడియట్ లేదా సంబంధిత ట్రేడ్‌లో ITI పూర్తి చేసి ఉండాలి. దీంతో పాటు చెల్లుబాటు అయ్యే హెవీ ప్యాసింజర్ మోటార్ వెహికల్ (HPMV), హెవీ గూడ్స్ వెహికల్ (HGV) లేదా ట్రాన్స్‌పోర్ట్ వెహికల్ డ్రైవింగ్ లైసెన్స్ తప్పనిసరిగా ఉండాలి.

వయోపరిమితి మరియు జీతం

​వయస్సు: జూలై 1, 2026 నాటికి అభ్యర్థుల వయస్సు 18 నుండి 22 సంవత్సరాల మధ్య ఉండాలి. తెలంగాణ ప్రభుత్వ నిబంధనల ప్రకారం SC, ST, BC మరియు EWS అభ్యర్థులకు వయోసడలింపు వర్తిస్తుంది. హోంగార్డులకు ప్రత్యేక వయో పరిమితి నిబంధనలు వర్తిస్తాయి.​

జీతం: ఎంపికైన అభ్యర్థులకు నెలకు రూ. 24,280 నుండి రూ. 72,850 వరకు వేతనం చెల్లిస్తారు.

​ఎంపిక విధానం​

అభ్యర్థుల ఎంపిక ప్రక్రియ వివిధ దశల్లో జరుగుతుంది.

ఫిజికల్ మెజర్‌మెంట్ టెస్ట్ (PMT)​

ఫిజికల్ ఎఫిషియెన్సీ టెస్ట్ (PET)​

ట్రేడ్ టెస్ట్ / డ్రైవింగ్ టెస్ట్ (Trade Test / Driving Test)​

టెక్నికల్ రాత పరీక్ష (Technical Written Exam – 200 మార్కులకు 200 ఆబ్జెక్టివ్ ప్రశ్నలు)​

సర్టిఫికేట్ వెరిఫికేషన్ మరియు మెడికల్ పరీక్షలు

​ముఖ్యమైన తేదీలు & కావాల్సిన ధృవీకరణ పత్రాలు

దరఖాస్తు ప్రారంభ తేది: ఆగస్టు 19, 2026

​చివరి తేది: సెప్టెంబర్ 9, 2026​

కావాల్సిన పత్రాలు: 1వ తరగతి నుంచి 7వ తరగతి వరకు బోనఫైడ్/నివాస ధృవీకరణ పత్రాలు, SC/ST/BC కుల ధృవీకరణ పత్రాలు (BC అభ్యర్థులు ఏప్రిల్ 1, 2026 తర్వాత పొందిన నాన్-క్రీమీలేయర్, EWS అభ్యర్థులు ఏప్రిల్ 1, 2026 తర్వాత పొందిన EWS సర్టిఫికేట్ సమర్పించాలి).

అర్హత కలిగిన అభ్యర్థులు చివరి తేదీ వరకు వేచి చూడకుండా TSLPRB అధికారిక వెబ్‌సైట్ ద్వారా ముందే దరఖాస్తు చేసుకోవాలని అధికారులు సూచించారు.