హైదరాబాద్, సూర్య న్యూస్ : బహుజన వర్గాల ఐక్యత, గౌడ సమాజ సమగ్ర అభివృద్ధి లక్ష్యంగా తెలంగాణ గౌడ సంక్షేమ సంఘం (Telangana Goud Welfare Association) నూతన జిల్లా, డివిజన్ అధ్యక్షులను నియమించింది. జాతీయ నాయకులు, వ్యవస్థాపక అధ్యక్షులు గట్టు రామచంద్రరావు ఆధ్వర్యంలో ఆదివారం ఈ నియామక కార్యక్రమం ఘనంగా జరిగింది.
నూతనంగా ఎన్నికైన అధ్యక్షులకు గట్టు రామచంద్రరావు నియామక పత్రాలను అందజేసి శుభాకాంక్షలు తెలిపారు. అణగారిన వర్గాలైన బీసీ, ఎస్సీ, ఎస్టీ మరియు ఇతర బహుజనులందరినీ కలుపుకుని సామాజిక సాధికారత కోసం పోరాడాలని ఈ సందర్భంగా నాయకులు పిలుపునిచ్చారు. ఈ కార్యక్రమంలో రాష్ట్ర అధ్యక్షులు గుండాల మల్లేష్ గౌడ్, ప్రధాన కార్యదర్శి ఎరుకొండ హైమావతి గౌడ్, గ్రేటర్ హైదరాబాద్ అధ్యక్షుడు సురేష్ గౌడ్, నిజాంపేట్ డివిజన్ అధ్యక్షులు ఉప్పాల సాయికుమార్ గౌడ్, రాష్ట్ర నాయకులు బాబూరావు గౌడ్ తదితరులు పాల్గొన్నారు.
నూతన అధ్యక్షులు వీరే..
సంస్థాగత నిర్మాణంలో భాగంగా పలు జిల్లాలకు కొత్త బాధ్యులను ప్రకటించారు. పెద్దపల్లి జిల్లా అధ్యక్షుడిగా బొల్గం రవీందర్ గౌడ్, జయశంకర్ భూపాలపల్లికి మాచిడి జగన్నాథం గౌడ్, హన్మకొండకు చింతా రమేష్ గౌడ్, మేడ్చల్-మల్కాజిగిరి జిల్లా అధ్యక్షుడిగా అక్కల కాళిదాస్ గౌడ్ బాధ్యతలు తీసుకున్నారు. అలాగే బీఎన్ రెడ్డి నగర్ డివిజన్ అధ్యక్షుడిగా కాలగోని నగేష్ గౌడ్, నాగోల్ డివిజన్‌కు కిందింటి భాస్కర్ గౌడ్, సైనిక్ పురి డివిజన్ అధ్యక్షుడిగా బొల్గం మణికంఠ గౌడ్ బాధ్యతలు తీసుకున్నారు.
క్షేత్రస్థాయిలో సంఘాన్ని మరింత బలోపేతం చేసే దిశగా నాయకత్వం అడుగులు వేస్తోంది. ఇందులో భాగంగానే త్వరలో రాష్ట్రవ్యాప్తంగా మహిళా, యువజన, కళాకారుల విభాగాలకు కూడా నూతన కమిటీలను ప్రకటించనున్నట్లు సంఘం ప్రతినిధులు వెల్లడించారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
