హైదరాబాద్, సూర్య న్యూస్ : ఎంతో కాలంగా ప్రేక్షకులు ఎదురుచూస్తున్న భారీ బడ్జెట్ చిత్రం ‘రామాయణ’ (Ramayana) ఈరోజు ప్రపంచవ్యాప్తంగా థియేటర్లలో విడుదలైంది. రణబీర్ కపూర్, సాయి పల్లవి, యష్ ప్రధాన పాత్రల్లో నటించిన ఈ సినిమాకు సంబంధించి అప్పుడే సోషల్ మీడియాలో ప్రీమియర్ షోల పబ్లిక్ టాక్, రివ్యూలు చక్కర్లు కొడుతున్నాయి.
ఆకట్టుకునే గ్రాండ్ విజువల్స్
రామాయణ పార్ట్-1లో ప్రధానంగా శ్రీరాముడి ప్రారంభ జీవితం, సీతారాముల కల్యాణం, సీతాపహరణ ఘట్టాలను దర్శకుడు కళ్లకు కట్టినట్లు చూపించారు. రాముడి పాత్రలో రణబీర్ కపూర్ ఒదిగిపోగా, రావణుడిగా యష్ అద్భుతమైన నటనతో మెప్పించారు. సీత పాత్రలో సాయిపల్లవి ఫర్వాలేదనిపించారు. సినిమాలో గ్రాండ్ విజువల్స్, కైకేయి-రాముడు మధ్య వచ్చే ఎమోషనల్ సీన్, రావణ-జటాయువు యాక్షన్ సీక్వెన్స్ ప్రేక్షకులకు ప్రధాన ఆకర్షణగా నిలిచాయి. రావణుడిగా యష్ యాక్షన్ ఎపిసోడ్స్ అద్భుతంగా ఉన్నాయని నెటిజన్లు చెబుతున్నారు.
మైనస్ పాయింట్స్ ఇవే
సినిమా రన్ టైమ్ ఎక్కువగా ఉండటం కాస్త ప్రతికూల అంశంగా మారింది. అలాగే కొన్ని కీలక సన్నివేశాలను ఎలివేట్ చేయడంలో బ్యాక్‌గ్రౌండ్ మ్యూజిక్ విఫలమైందని, పాటలు అంతగా ఆకట్టుకోలేదని పబ్లిక్ టాక్ వినిపిస్తోంది. ప్రధాన పాత్రల మధ్య ఎమోషన్స్ ఆశించిన స్థాయిలో పండకపోవడం కూడా సినిమాకు మరో మైనస్ పాయింట్‌గా రివ్యూలు చెబుతున్నాయి.
ఫైనల్ వెర్డిక్ట్
ఓవరాల్‌గా అద్భుతమైన వీఎఫ్ఎక్స్ షాట్స్ కోసం ఈ చిత్రాన్ని థియేటర్లలో చూడొచ్చని పలువురు అభిప్రాయపడుతుండగా, భారీ అంచనాల నడుమ వచ్చిన ఈ చిత్రానికి 3/5 రేటింగ్ దక్కుతోంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
