Fire: కూకట్‌పల్లిలో అగ్నిప్రమాదం.. రంగంలోకి మూడు ఫైర్ ఇంజన్లు

రిపోర్టర్: Sai kumar

హైదరాబాద్, సూర్య న్యూస్ : కూకట్‌పల్లి (Kukatpally) పరిధిలోని పాపారాయుడు నగర్‌లో జరిగిన అగ్నిప్రమాదాన్ని అదుపు చేసేందుకు ముమ్మర చర్యలు చేపట్టారు. ప్రమాదంపై స్పందించిన అసిస్టెంట్ డిస్ట్రిక్ట్ ఫైర్ ఆఫీసర్ శ్రీనివాసరావు.. మంటలను అదుపు చేసేందుకు మూడు ఫైర్ స్టేషన్ల (Fire Stations) నుంచి సిబ్బందిని రంగంలోకి దించినట్లు వెల్లడించారు.

ఘటనాస్థలికి చేరుకున్న అగ్నిమాపక యంత్రాలు

కూకట్‌పల్లి, జీడిమెట్ల, సికింద్రాబాద్ ఫైర్ స్టేషన్ల నుంచి అగ్నిమాపక వాహనాలను ఘటనాస్థలికి తరలించి మంటలను అదుపు చేసేందుకు సిబ్బంది శ్రమిస్తున్నట్లు ఆయన తెలిపారు. కూకట్‌పల్లి ఫైర్ ఆఫీసర్ జగన్మోహన్‌రావు మొదటి నుంచి ఘటనా స్థలంలోనే ఉండి సహాయక చర్యలను దగ్గరుండి పర్యవేక్షిస్తున్నారని శ్రీనివాసరావు వివరించారు.