చెన్నై, సూర్య న్యూస్ డెస్క్ : సూపర్ స్టార్ రజినీకాంత్ (Rajinikanth) బాక్సాఫీస్ వద్ద భారీ వసూళ్లతో సునామీ సృష్టిస్తున్నారు. ఆయన ప్రధాన పాత్రలో నటించిన తాజా చిత్రం ‘జైలర్-2’ (Jailer 2) విడుదలై కేవలం నాలుగు రోజుల్లోనే రికార్డు స్థాయి వసూళ్లతో ‘పెద్ది’ చిత్ర కలెక్షన్లను బద్దలుకొట్టింది. తద్వారా ఈ ఏడాది అత్యధిక గ్రాస్ వసూళ్లు సాధించిన సౌత్ ఇండియా సినిమాగా జైలర్-2 సరికొత్త రికార్డు నెలకొల్పింది.
రామ్ చరణ్ కధానాయకుడిగా నటించిన ‘పెద్ది’ సినిమాకు ఓవరాల్‌గా రూ.350 కోట్ల కలెక్షన్స్ రాగా, ఆ రికార్డును జైలర్-2 అత్యంత వేగంగా దాటేసింది. రజినీకాంత్ క్రేజ్ తో ఈ చిత్రం కేవలం ఓపెనింగ్ వీకెండ్‌లోనే రూ.400 కోట్లకు పైగా గ్రాస్ వసూళ్లు సాధించి ట్రేడ్ వర్గాలను ఆశ్చర్యపరుస్తోంది.
ఈ ఏడాది అత్యధిక వసూళ్లు రాబట్టిన ఇతర చిత్రాల జాబితాను పరిశీలిస్తే.. జైలర్-2, పెద్ది తర్వాతి స్థానంలో రూ.335 కోట్లతో ‘బెల్లెహోమ్ కుటుంబ యూనిట్’ నిలిచింది. ఇక ఆ తర్వాతి స్థానాల్లో ‘టాక్సిక్’, ‘జన నాయగన్’ సినిమాలు చెరో రూ.330 కోట్ల వసూళ్లతో కొనసాగుతున్నాయి. రికార్డు స్థాయిలో రాబడుతున్న ఈ వసూళ్లతో సూపర్ స్టార్ బాక్సాఫీస్ స్టామినా ఏంటో మరోసారి రుజువైంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
