ముంబై, సూర్య న్యూస్ : ముంబైలోని అత్యంత ప్రసిద్ధ ‘లాల్బాగ్చా రాజా’ (Lalbaugcha Raja) గణపతిని బాలీవుడ్ సూపర్ స్టార్ షారుఖ్ ఖాన్ (Shah Rukh Khan) దర్శించుకున్నారు. కుటుంబ సమేతంగా స్వామివారి మండపానికి చేరుకున్న ఆయన, భక్తిశ్రద్ధలతో ప్రత్యేక పూజలు నిర్వహించారు.
స్వామివారి దర్శన సమయంలో షారుఖ్ ఖాన్ తీవ్ర భక్తిభావంతో గణనాథుని పాదాల వద్ద తల ఉంచి ఆశీర్వాదం తీసుకోవడం ప్రస్తుతం సోషల్ మీడియాలో వైరల్గా మారింది. ఈ ప్రత్యేక పూజా కార్యక్రమంలో ఆయన వెంట భార్య గౌరీ ఖాన్, కూతురు సుహానా ఖాన్ తదితరులు కూడా పాల్గొని స్వామివారికి మొక్కులు చెల్లించుకున్నారు. ప్రతి ఏడాదీ వినాయక చవితి నవరాత్రుల్లో లాల్బాగ్చా రాజాను దర్శించుకోవడం బాలీవుడ్ తారలకు, దేశంలోని ప్రముఖులకు ఆనవాయితీగా వస్తోంది.
బారులు తీరిన ప్రముఖులు
లాల్బాగ్చా రాజా ఆశీస్సులు పొందేందుకు పలువురు సినీ, వ్యాపార ప్రముఖులు క్యూ కడుతున్నారు. షారుఖ్ ఖాన్ కుటుంబం కంటే ముందుగా రిలయన్స్ ఇండస్ట్రీస్ అధినేత ముకేశ్ అంబానీ, అనంత్ అంబానీ కూడా స్వామివారిని దర్శించుకున్నారు. అలాగే సీనియర్ నటి మధుబాల, ప్రముఖ నటి మౌనీ రాయ్ తదితరులు విఘ్నేశ్వరుని దర్శించుకుని ప్రత్యేక పూజల్లో పాల్గొన్నారు. ఎప్పటిలాగే ఈ ఏడాది కూడా లాల్బాగ్చా రాజా మండపం భక్తుల రద్దీతో కోలాహలంగా మారింది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
