హైదరాబాద్, సూర్య న్యూస్ : పేదరికం ప్రతిభకు ఏమాత్రం అడ్డంకి కాదని నిరూపించారు నారాయణఖేడ్ నియోజకవర్గానికి చెందిన ఇద్దరు అక్కాచెల్లెళ్లు. పలుగు తండాకు చెందిన పేద రైతు కూలీల కుమార్తెలైన వాడిత్య నివేదిత, వాడిత్య అఖిల ఇటీవల విడుదలైన ఫలితాల్లో ఏకంగా ఎంబీబీఎస్ (MBBS) సీట్లు సాధించి అందరి మన్ననలు పొందుతున్నారు. ఈ అద్భుత విజయంపై మాజీ మంత్రి, బీఆర్ఎస్ సీనియర్ నేత తన్నీరు హరీష్ రావు (Harish Rao) సోషల్ మీడియా వేదిక ‘ఎక్స్’లో హర్షం వ్యక్తం చేశారు.
గత బీఆర్ఎస్ ప్రభుత్వ హయాంలో కేసీఆర్ గురుకులాలను ఏర్పాటు చేసి, గ్రామీణ విద్యార్థులకు కార్పొరేట్ స్థాయి విద్యను అందించడం వల్లే ఇలాంటి అద్భుత ఫలితాలు సాధ్యమయ్యాయని హరీష్ రావు కొనియాడారు. అలాగే, ప్రతి జిల్లాలోనూ నూతన మెడికల్ కాలేజీలను నెలకొల్పి ఎంబీబీఎస్ సీట్లను భారీగా పెంచడం ద్వారా తెలంగాణ విద్యార్థులకు డాక్టర్ అయ్యే అవకాశాలు మెరుగయ్యాయని ఆయన గుర్తుచేశారు.
అనేక ప్రతికూలతలను ఎదుర్కొని ఎంబీబీఎస్ సీట్లు సాధించిన నివేదిత, అఖిల సోదరీమణులను హరీష్ రావు ప్రత్యేకంగా అభినందించారు. పేద తండా నుంచి వచ్చి అత్యున్నత వైద్య విద్యకు ఎంపికైన ఈ ఇద్దరు విద్యార్థులకు, అలాగే వారికి అండగా నిలిచిన వారి తల్లిదండ్రులకు ఆయన శుభాకాంక్షలు తెలియజేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
