చెన్నై (సూర్య న్యూస్): తమిళ చిత్ర పరిశ్రమలో అగ్ర నటుడిగా, రాజకీయాల్లో ‘తమిళగ వెట్రి కళగం’ పార్టీతో దూసుకుపోతున్న దళపతి విజయ్ వ్యక్తిగత జీవితంపై తాజా పరిణామాలు సంచలనంగా మారాయి. గత 27 ఏళ్లుగా అన్యోన్యంగా ఉన్న విజయ్, సంగీత దంపతులు విడాకులు తీసుకోబోతున్నట్లు తెలుస్తోంది. విజయ్ భార్య సంగీత తమిళనాడులోని చెంగల్పట్టు కోర్టులో విడాకుల పిటిషన్ దాఖలు చేయడం ఇప్పుడు సినీ, రాజకీయ వర్గాల్లో చర్చనీయాంశమైంది.
ఆ నటితో సంబంధమే కారణమా?
విడాకుల పిటిషన్లో సంగీత కొన్ని కీలక ఆరోపణలు చేసినట్లు సమాచారం. విజయ్ తన వివాహ బంధానికి విరుద్ధంగా వ్యవహరించారని, ఒక ప్రముఖ నటితో ఆయనకు ఉన్న సంబంధమే ఈ విభేదాలకు ప్రధాన కారణమని సోషల్ మీడియాలో కథనాలు వస్తున్నాయి. అయితే, ఈ అంశంపై విజయ్ తరపున కానీ, ఆయన కుటుంబ సభ్యుల నుండి కానీ ఎలాంటి అధికారిక ప్రకటన వెలువడలేదు.
27 ఏళ్ల ప్రస్థానం.. అభిమాని నుండి అర్ధాంగి వరకు
పరిచయం: 1996లో విజయ్ నటించిన “పూవే ఉనక్కాగా” సినిమా చూసి, ఆయనను అభినందించేందుకు లండన్ నుండి వచ్చిన సంగీత అభిమానిగా పరిచయమయ్యారు.
వివాహం: ఆ పరిచయం ప్రేమగా మారి 1999 ఆగస్టు 25న ఇరు కుటుంబాల సమ్మతితో వివాహం చేసుకున్నారు.
సంతానం: ఈ దంపతులకు కుమారుడు సంజయ్, కుమార్తె దివ్యా సాషా ఉన్నారు. కుమారుడు సంజయ్ డైరెక్టర్ గా పరిచయం అవుతున్నారు. సందీప్ కిషన్ హీరోగా సిగ్మా అనే తమిళ్, తెలుగులో ఈ మూవీ రాబోతుంది.
దూరం: గత కొంతకాలంగా సంగీత తన పిల్లలతో కలిసి విదేశాల్లోనే ఉంటున్నారని, పబ్లిక్ ఈవెంట్లలో కూడా కనిపించడం లేదని సమాచారం.
పిటిషన్ వివరాలు:సంగీతా దాఖలు చేసిన పిటిషన్లో వివాహం “పేపర్ మీద మాత్రమే మిగిలిపోయింది” అని పేర్కొన్నారు.
అడల్టరీ (నటితో ఎక్స్ట్రా మారిటల్ సంబంధం), మెంటల్ క్రూల్టీ, డెసర్షన్ వంటి కారణాలు చూపించారు.
2021లో విజయ్ ఒక నటితో అక్రమ సంబంధం ఉందని ఆరోపించారు (నటి పేరు స్పష్టంగా చెప్పలేదు).
పర్మనెంట్ అలిమోనీ, మ్యాట్రిమోనియల్ హోమ్లో నివాస హక్కు కోరుతున్నారు.
గతంలో రెండు లీగల్ నోటీసులు, నవంబర్ 9, 2025న లాస్ట్ మీటింగ్ జరిగినా సెటిల్మెంట్ కుదరలేదు.
తదుపరి విచారణ:కోర్టు నోటీసు జారీ చేసి, ఏప్రిల్ 20, 2026న విజయ్, సంగీతా ఇద్దరూ నేరుగా హాజరు కావాలని ఆదేశించింది.విజయ్ తరపు నుంచి ఇంకా ఎలాంటి అధికారిక ప్రకటన రాలేదు. ఈ పరిణామం TVK పార్టీ, తమిళనాడు అసెంబ్లీ ఎలక్షన్ల సమయంలో ఆయనకు పెద్ద షాక్గా మారింది.
(మరిన్ని అప్డేట్స్ కోసం సూర్య న్యూస్ను ఫాలో అవ్వండి. ఇది పబ్లిక్ రిపోర్ట్స్ ఆధారంగా మాత్రమే – కోర్టు తీర్పు వరకు ఊహాగానాలకు తావివ్వకండి.)