హైదరాబాద్, సూర్య న్యూస్ :తెలంగాణ (Telangana) రాష్ట్రవ్యాప్తంగా నిరుద్యోగులు చేపట్టిన బంద్ ఉద్రిక్తంగా మారింది. రాష్ట్రంలో పోలీస్ ఉద్యోగాలకు (Police jobs) ప్రిపేర్ అవుతున్న అభ్యర్థులకు మద్దతుగా పోరాడుతున్న పోలీస్ జాబ్ ఆస్పిరెంట్ నవీన్ పట్నాయక్ ను పోలీసులు అదుపులోకి తీసుకున్నారు. ఆయన ఉంటున్న హాస్టల్ వద్దకు చేరుకున్న పోలీసులు ఆయనను బయటకు రాకుండా నిర్బంధించారు. రాష్ట్రంలో 19 వేల పోస్టులతో నూతన పోలీస్ నోటిఫికేషన్ (Notification) విడుదల చేయాలని ఆయన డిమాండ్ చేస్తున్నారు.
పోలీస్ ఉద్యోగాలకు సంబంధించిన వయోపరిమితి (Age limit) పెంపుపై ఆయన ప్రధానంగా ప్రభుత్వాన్ని డిమాండ్ చేస్తున్నారు. కానిస్టేబుల్ (Constable) అభ్యర్థులకు 36 సంవత్సరాలు అలాగే ఎస్ఐ (SI) అభ్యర్థులకు 38 సంవత్సరాలకు గరిష్ట వయోపరిమితి పెంచాలని ఆయన కోరుతున్నారు. మమ్మల్ని అక్రమంగా అరెస్ట్ చేసే బదులు మా న్యాయమైన డిమాండ్లను ప్రభుత్వం (Government) దృష్టికి తీసుకెళ్లాలని ఆయన పోలీసులకు సూచించారు. సరైన సమయంలో నోటిఫికేషన్ వస్తే యువత అంతా సంతోషంగా చదువుకుంటారు అని ఆయన స్పష్టం చేశారు.
నిరుద్యోగులు (Unemployed) తలపెట్టిన బంద్ కు మద్దతు తెలిపిన కారణంగానే పోలీసులు ఈ ముందస్తు అరెస్టులకు పాల్పడ్డారు. అయితే అరెస్టులతో ప్రశ్నించే గొంతును నొక్కలేరని నవీన్ పట్నాయక్ పోలీసులకు స్పష్టం చేశారు. మమ్మల్ని రోజూ అరెస్ట్ చేసే బదులు మా డిమాండ్లను ప్రభుత్వం దృష్టికి తీసుకెళ్లాలని ఆయన కోరారు. అక్రమ అరెస్టుల వల్ల రాష్ట్రంలో లక్షలాది మంది నవీన్ పట్నాయక్ లు పుట్టుకొస్తారని హెచ్చరించారు. ఈ అక్రమ అరెస్టును తెలంగాణ రాష్ట్ర పోలీస్ నిరుద్యోగ జేఏసీ (JAC) తీవ్రంగా ఖండించింది. సమస్యలను పరిష్కరించే దిశగా ప్రభుత్వం అడుగులు వేయాలని నిరుద్యోగులు కోరుతున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
