కూకట్ పల్లి, సూర్య న్యూస్ :శేరిలింగంపల్లి నియోజకవర్గం వివేకానంద నగర్ కాలనీలో తెలంగాణ స్టేట్ ఫోటో జర్నలిస్ట్స్ (Telangana State Photo Journalists) ఆధ్వర్యంలో న్యూస్ ఫోటో కాంపిటీషన్-2026 నిర్వహించారు. ఇందులో కూకట్పల్లి ప్రాంతానికి చెందిన ప్రతిభావంతులైన ఫోటో జర్నలిస్టులు (Photo Journalists) తమ సత్తా చాటి రాష్ట్ర స్థాయి అవార్డులు సాధించారు. దక్కన్ క్రానికల్ ఫోటో జర్నలిస్ట్ దుర్గారావు, నమస్తే తెలంగాణ జర్నలిస్ట్ శ్రవణ్ కుమార్, ఆంధ్రజ్యోతి ఫోటో జర్నలిస్ట్ మాచర్ల నాగేశ్వరావు ఈ ప్రతిష్టాత్మక పురస్కారాలు అందుకున్నారు.
అవార్డులు వరించిన సందర్భంగా సోమవారం రోజు కూకట్పల్లి ప్రెస్ క్లబ్ లో సన్మాన కార్యక్రమం జరిగింది. తెలంగాణ వర్కింగ్ జర్నలిస్ట్ ఫెడరేషన్ (TWJF) అధ్యక్షులు ఎర్ర యాకయ్య, ప్రధాన కార్యదర్శి (General Secretary) నాగుల అంజిబాబు వీరిని ప్రత్యేకంగా అభినందించారు. ఈ సందర్భంగా అవార్డు గ్రహీతలను శాలువాతో ఘనంగా సన్మానించారు.
అనంతరం అధ్యక్షులు యాకయ్య మాట్లాడుతూ పలు కీలక విషయాలు వెల్లడించారు. ఫుట్ పాతుల మీద వీధి వ్యాపారుల (Street Vendors) బ్రతుకులను ఎత్తిచూపుతూ తీసిన అద్భుతమైన ఫోటోలకు ఈ గుర్తింపు లభించడం గర్వకారణం అని ఆయన అన్నారు. ప్రజా సమస్యలను, బ్రతుకు చిత్రాలను సమాజం దృష్టికి తీసుకురావడంలో ఫోటో జర్నలిస్టుల పాత్ర అత్యంత కీలకం అని ఆయన కొనియాడారు. ఇలాంటి చిత్రాల ద్వారా సమస్యల పరిష్కారానికి కృషి చేయడం ఎంతో సంతృప్తినిస్తుందని స్పష్టం చేశారు.
ఈ ప్రతిష్టాత్మక కార్యక్రమంలో పలువురు సీనియర్ పాత్రికేయులు పాల్గొన్నారు. కూకట్పల్లి సీనియర్ జర్నలిస్ట్ రామారావు, సూర్య దినపత్రిక (Surya Daily) ఫోటో జర్నలిస్ట్ శ్రీనివాస్ తో పాటు తదితరులు హాజరై అవార్డు గ్రహీతలకు శుభాకాంక్షలు తెలియజేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
