హైదరాబాద్, సూర్య న్యూస్: డాక్టర్ బి.ఆర్. అంబేద్కర్ సార్వత్రిక విశ్వవిద్యాలయం (Dr. B.R. Ambedkar Open University) 2026–27 విద్యా సంవత్సరానికి గాను నిర్వహించిన ఎంబీఏ ప్రవేశ పరీక్షలు (MBA Entrance Exams) ప్రశాంతంగా ముగిశాయి. తెలంగాణ వ్యాప్తంగా నిర్ణీత తొమ్మిది పరీక్షా కేంద్రాలలో ఈ ఎంట్రన్స్ టెస్ట్ ను విజయవంతంగా పూర్తి చేశారు.
ఈ ఎంబీఏ మరియు ఎంబీఏ హాస్పిటల్ అండ్ హెల్త్ కేర్ మేనేజ్మెంట్ ప్రోగ్రామ్‌లలో ప్రవేశం కోసం మొత్తం 1185 మంది అభ్యర్థులు పేర్లు నమోదు చేసుకున్నారు. వీరిలో 957 మంది విద్యార్థులు ఈ రోజు జరిగిన పరీక్షకు హాజరయ్యారు. పరీక్షల నిర్వహణ సజావుగా సాగిందని పరీక్షల నియంత్రణాధికారి ప్రొఫెసర్ జి దయాకర్ ఒక ప్రకటనలో స్పష్టం చేశారు.
ఈ ప్రవేశ పరీక్ష ఫలితాలను త్వరలోనే అధికారికంగా విడుదల చేయనున్నారు. అడ్మిషన్ ప్రక్రియ మరియు తదుపరి వివరాల కోసం విద్యార్థులు వర్సిటీ అధికారిక వెబ్ సైట్ www.braouonline.in ను సందర్శించవచ్చు. ఫలితాల తేదీపై త్వరలో స్పష్టత వచ్చే అవకాశం ఉంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
