హైదరాబాద్, సూర్య న్యూస్ : అండర్-19 ఆసియా కప్‌లో (U19 Asia Cup) భారత యువ క్రికెటర్, మాజీ డాషింగ్ ఓపెనర్ వీరేంద్ర సెహ్వాగ్ తనయుడు ఆర్యవీర్ సెహ్వాగ్ (Aaryavir Sehwag) అద్భుత ప్రదర్శనతో అదరగొట్టాడు. తనదైన శైలిలో పరుగుల వరద పారించిన జూనియర్ సెహ్వాగ్.. టోర్నీలోనే అత్యుత్తమ ప్రదర్శన కనబరిచి ‘ప్లేయర్ ఆఫ్ ది టోర్నమెంట్’ గా నిలిచాడు. ఆర్యవీర్ వీరబాదుడుతో ఈ టోర్నీలో భారత అండర్-19 జట్టు కప్ కైవసం చేసుకోవడంలో కీలక పాత్ర పోషించాడు.
టోర్నీలో ఆర్యవీర్ విధ్వంసం.. రికార్డులు
ఈ ఆసియా కప్‌లో ఆర్యవీర్ సెహ్వాగ్ తన బ్యాటింగ్‌తో ప్రత్యర్థి బౌలర్లకు చుక్కలు చూపించాడు. ఐదు మ్యాచ్‌లు ఆడిన ఆర్యవీర్, అత్యధికంగా 361 పరుగులు సాధించి టోర్నీ టాప్ స్కోరర్‌గా నిలిచాడు. అంతేకాకుండా, ఈ టోర్నీలో అత్యధికంగా 16 సిక్సర్లు బాదిన రికార్డు కూడా జూనియర్ సెహ్వాగ్ పేరిటే ఉండటం విశేషం. ఐదు మ్యాచ్‌లలో అతని స్కోర్లు వరుసగా 70 నాటౌట్, 22, 160, 51, మరియు 58 పరుగులుగా నమోదయ్యాయి. ఈ అద్భుత ప్రదర్శనతో తన తండ్రికి తగ్గ తనయుడిగా క్రికెట్ ప్రపంచంలోకి ఘనంగా అడుగుపెట్టాడు. కుమారుడి ఆటతీరుపై వీరేంద్ర సెహ్వాగ్ హర్షం వ్యక్తం చేశారు. యంగ్ ఛాంపియన్స్‌ను చూస్తే ఎంతో గర్వంగా ఉందంటూ ఆయన ట్విట్టర్ వేదికగా సంతోషాన్ని పంచుకున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
