అనకాపల్లి, సూర్య న్యూస్ : అనకాపల్లి జిల్లా నాతవరం మండలం గన్నవరం గ్రామంలో గణపతి నిమజ్జన (Ganesh Nimajjanam) ఉత్సవాలు అంగరంగ వైభవంగా జరిగాయి. నవరాత్రుల పాటు గ్రామస్తుల విశేష పూజలందుకున్న వినాయకుడిని అందంగా ముస్తాబు చేసిన గుర్రపు రథంపై (Horse Chariot) కొలువుదీర్చి, కోలాటాలు, తీన్మార్ వాయిద్యాల నడుమ అత్యంత భక్తిశ్రద్ధలతో ఊరేగిస్తూ నిమజ్జనానికి తరలించారు.
గ్రామంలోని యువత, మహిళలు, చిన్నారులు ఈ శోభాయాత్రలో అత్యంత ఉత్సాహంగా పాల్గొన్నారు. సంప్రదాయ కోలాట నృత్యాలు, డప్పు వాయిద్యాల నడుమ ‘జై గణేష్’ నినాదాలతో గన్నవరం వీధులన్నీ భక్తిభావంతో మారుమోగాయి. పండుగ వాతావరణం నడుమ రంగురంగుల విద్యుద్దీపాల కాంతుల్లో గుర్రపు రథంపై సాగిన స్వామివారి ఊరేగింపు చూపరులను విశేషంగా ఆకట్టుకుంది.
ఈ ఘనమైన నిమజ్జన కార్యక్రమంలో మాజీ ఎంపీపీ బాబులు, ఆలయ ధర్మకర్త రొంగల చిట్టిబాబు, పెట్ల నానాజీ, పెట్ల శ్రీను (పోలీస్), లగుడు నాగేంద్ర, సుర్ల శ్రీను తదితరులు పాల్గొన్నారు. వీరితో పాటు చింతకాయల గణేష్, రొంగల లోకేష్, లగుడు శ్రీను, సుర్ల శివ, రొంగల శివ, బాబుల్ యూత్ సభ్యులు, స్నేహితులు మరియు విశేష సంఖ్యలో గ్రామ ప్రజలు పాల్గొని ఆనందోత్సాహాల మధ్య స్వామివారికి వీడ్కోలు పలికారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
