|  
● FLASH NEWS
Konaseema: తెల్లవారుజామున పెద్ద శబ్దం.. గ్రామస్తులు ఎందుకు ఇళ్లు ఖాళీ చేశారో తెలుసా?  •  Akvan: నవంబర్ 20న ఆంధ్ర తీరం దాటనున్న అక్వాన్ తుపాను.. ఏడు జిల్లాలకు రెడ్ అలర్ట్  •  Quad: మనీలాలో క్వాడ్ సమావేశం.. మోదీని ‘చాలా గట్టివాడు’ అని ప్రశంసించిన ట్రంప్  •  Dhoni: ఐపీఎల్ ఆటకు ధోని వీడ్కోలు.. చెన్నై సూపర్ కింగ్స్ మార్గదర్శకుడిగా మహి  •  Charlapalli Fire: కరెంట్ కనెక్షనే లేని బోగీలో మంటలు ఎలా?.. చర్లపల్లి స్టేషన్‌లో భయానక అగ్నిప్రమాదం  • 
Skip to content

PalmTrees: బొడ్లాడలో అనుమతి లేకుండా 10 తాటి చెట్ల నరికివేత

దంతాలపల్లి, సూర్య న్యూస్ : మహబూబాబాద్ జిల్లా దంతాలపల్లి మండలం బొడ్లాడ గ్రామంలో ఎటువంటి ప్రభుత్వ అనుమతులు లేకుండా పది తాటి చెట్లను (Palm Trees) నరికివేసిన ఘటనపై ఆబ్కారీ అధికారులు (Excise Officials) విచారణ ప్రారంభించారు. గ్రామ రైతు, బాధితురాలు జెనిగల అనూష ఇచ్చిన ఫిర్యాదు మేరకు ఈ వ్యవహారం వెలుగులోకి వచ్చింది.

తన వ్యవసాయ భూమి గట్టును ఆనుకుని ఉన్న తాటి చెట్ల వల్ల పంటలకు నష్టం జరుగుతోందనే సాకుతో అదే గ్రామానికి చెందిన జెనిగల వెంకన్న ఉద్దేశపూర్వకంగా ఆ చెట్లను కూల్చివేశారని అనూష ఆబ్కారీ అధికారులకు ఫిర్యాదు చేశారు.

ఘటనపై ఆబ్కారీ అధికారుల విచారణ

బాధితురాలి ఫిర్యాదుపై స్పందించిన ఆబ్కారీ ఎస్సై శంకర్ మంగళవారం నేరుగా సంఘటనా స్థలాన్ని పరిశీలించారు. కూల్చివేసిన చెట్ల వివరాలను నమోదు చేసుకున్న ఆయన.. కల్లు గీత దశలో ఉన్న తాటి చెట్లను నరకడం నిబంధనల ప్రకారం చట్టరీత్యా నేరమని స్పష్టం చేశారు. పూర్తి వివరాలతో ఉన్నతాధికారులకు నివేదిక సమర్పించి, నిబంధనలు అతిక్రమించిన వారిపై కఠినమైన చట్టపరమైన చర్యలు తీసుకుంటామని ఆయన వెల్లడించారు. ఈ పరిశీలనలో ఎక్సైజ్ సిబ్బంది వెంకటస్వామి, శశికాంత్, నరేందర్ పాల్గొన్నారు.

గీత కార్మికుల జీవనోపాధిపై దెబ్బ

ఈ దారుణ ఘటనపై తెలంగాణ గౌడ సంక్షేమ సంఘం నాయకులు తీవ్ర ఆగ్రహం వ్యక్తం చేశారు. సంఘం మహబూబాబాద్ జిల్లా అధ్యక్షులు గండి వీరేందర్ గౌడ్ స్వయంగా ఘటనా స్థలాన్ని పరిశీలించి చెట్లను నరికివేసిన తీరుపై తీవ్ర దిగ్భ్రాంతి వ్యక్తం చేశారు. కల్లుగీత వృత్తిపై ఆధారపడి బతుకుతున్న కార్మికులకు జీవనాధారమైన తాటి చెట్లను ఇలా నరికివేయడం అత్యంత దారుణమని ఆయన మండిపడ్డారు. వృత్తిదారుల జీవనోపాధిపై దెబ్బకొట్టి వారిని ఇబ్బందుల పాలుచేసే ఇలాంటి చర్యలను తీవ్రంగా ఖండిస్తున్నట్లు ఆయన స్పష్టం చేశారు.

బాధితురాలికి న్యాయం చేయాలని డిమాండ్

బొడ్లాడ ఘటనను తెలంగాణ గౌడ సంక్షేమ సంఘం రాష్ట్ర నాయకులు గుండాల మల్లేష్ గౌడ్, మోల్కపురి శ్రీకాంత్ గౌడ్, పరుచూరి సురేష్ గౌడ్ తీవ్ర స్థాయిలో ఖండించారు. ఈ మేరకు రాష్ట్ర నాయకుల బృందం ఆబ్కారీ ఎస్సై శంకర్‌తో నేరుగా మాట్లాడి పరిస్థితిని వివరించారు. నిందితులపై కఠిన చర్యలు తీసుకుని, చెట్లు కోల్పోయి ఉపాధికి దూరమైన బాధితురాలు అనూషకు త్వరితగతిన న్యాయం చేయాలని వారు అధికారులను డిమాండ్ చేశారు.

ఈ వార్తపై మీ స్పందన?

🔥 గత 24 గంటల్లో అత్యధికంగా చదివిన వార్తలు

ఇవి గత 24 గంటల్లో ఎక్కువ మంది చదివిన వార్తలు

📲 Join WhatsApp