హైదరాబాద్, సూర్య న్యూస్ : దేవీ నవరాత్రి ఉత్సవాల సందర్భంగా రాష్ట్రవ్యాప్తంగా ఏర్పాటు చేస్తున్న దుర్గామాతా మండపాల నిర్వాహకులకు తెలంగాణ పోలీసులు (Telangana Police) కీలక సూచనలు జారీ చేశారు. మండపాల ఏర్పాటుకు సంబంధించిన పూర్తి వివరాలను ముందస్తుగా అధికారిక ఇన్‌టిమేషన్ పోర్టల్‌లో (Intimation Portal) తప్పనిసరిగా నమోదు చేసుకోవాలని స్పష్టం చేశారు.
ఉత్సవాలను అత్యంత సురక్షితంగా, ప్రశాంత వాతావరణంలో నిర్వహించాలనే ఉద్దేశంతోనే ఈ ముందస్తు నమోదు ప్రక్రియను అమలు చేస్తున్నట్లు పోలీసులు తెలిపారు. పండుగ రోజుల్లో ఎలాంటి అవాంఛనీయ ఘటనలు జరగకుండా భద్రతా ఏర్పాట్లు పర్యవేక్షించడానికి, ట్రాఫిక్ నియంత్రణ చర్యలు చేపట్టడానికి, ఇతర ప్రభుత్వ విభాగాలతో సమన్వయం చేసుకునేందుకు ఈ వివరాలు ఎంతగానో ఉపయోగపడతాయని వివరించారు.
మండపాల నిర్వాహకులు ఎలాంటి ఆలస్యం చేయకుండా వెంటనే పోలీసు శాఖ అధికారిక వెబ్‌సైట్ policeportal.tspolice.gov.in ద్వారా తమ వివరాలను సమర్పించాలని సూచించారు. నవరాత్రి ఉత్సవాలు సాఫీగా, భక్తిశ్రద్ధలతో జరిగేలా పోలీసులకు, ప్రభుత్వ యంత్రాంగానికి ప్రతి ఒక్కరూ సహకరించాలని అధికారులు విజ్ఞప్తి చేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
