వాషింగ్టన్, సూర్య న్యూస్ డెస్క్ : రష్యాతో జరుగుతున్న భీకర యుద్ధాన్ని ముగించాలని ఉక్రెయిన్ అధ్యక్షుడు వొలోదిమిర్ జెలెన్‌స్కీ (Volodymyr Zelenskyy) ఏమాత్రం కోరుకోవడం లేదని అమెరికా అగ్రనేత డొనాల్డ్ ట్రంప్ (Donald Trump) తీవ్రస్థాయిలో విమర్శించారు. శాంతి చర్చలకు విఘాతం కలిగేలా ఉక్రెయిన్ వ్యవహరిస్తోందని ఆయన తన అధికారిక సోషల్ మీడియా ప్లాట్‌ఫామ్ ‘ట్రూత్ సోషల్’ వేదికగా మండిపడ్డారు.
రష్యా, ఉక్రెయిన్ దేశాల మధ్య శాంతిని నెలకొల్పేందుకు తాను తీవ్రంగా ప్రయత్నిస్తున్నానని ట్రంప్ తెలిపారు. ఇలాంటి కీలక సమయంలో శాంతి చర్చల నుంచి రష్యా దూరం జరిగేలా తాను ఎలాంటి మూర్ఖపు నిర్ణయాలు తీసుకోనని ఆయన స్పష్టం చేశారు. అయితే, జెలెన్‌స్కీ మాత్రం ఉద్దేశపూర్వకంగా రష్యాలోని డీజిల్ రిఫైనరీలను లక్ష్యంగా చేసుకుని దాడులు చేస్తున్నారని ఆయన ఆరోపించారు.
ఉక్రెయిన్ చేస్తున్న ఈ దాడుల వల్ల ప్రపంచ ఇంధన మార్కెట్లపై తీవ్ర ప్రతికూల ప్రభావం పడుతుందని ట్రంప్ ఆందోళన వ్యక్తం చేశారు. ఈ పరిణామాలు ముందే తెలిసినప్పటికీ జెలెన్‌స్కీ ఏమాత్రం వెనక్కి తగ్గకుండా రష్యాపై దాడులు కొనసాగించడం పట్ల ఆయన తీవ్ర అసహనం వ్యక్తం చేశారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
