హైదరాబాద్, సూర్య న్యూస్ : రణబీర్ కపూర్, సాయిపల్లవి, యష్ ప్రధాన పాత్రల్లో నటించిన భారీ పాన్ ఇండియా చిత్రం ‘రామాయణ’పై (Ramayana) టాలీవుడ్ అగ్ర దర్శకుడు ఎస్.ఎస్. రాజమౌళి (SS Rajamouli) ప్రశంసల వర్షం కురిపించారు. ఈ సినిమాలోని విజువల్స్, నటీనటుల నటన అత్యద్భుతంగా ఉన్నాయంటూ ఆయన సోషల్ మీడియా వేదికగా తన రివ్యూను పంచుకున్నారు.
వాళ్ల నటన అద్భుతం
సినిమా చూసిన అనంతరం రాజమౌళి ఎక్స్ (ట్విట్టర్) వేదికగా స్పందిస్తూ.. వెండితెరపై రామాయణాన్ని ఇంత భారీ స్థాయిలో చూడటం అద్భుతమైన అనుభూతినిచ్చిందని పేర్కొన్నారు. వనవాసం ఎపిసోడ్ నుంచి శ్రీరాముడి పాత్రలో రణబీర్ కపూర్ ఎంతో ప్రశాంతంగా, అద్భుతంగా ఒదిగిపోయాడని కొనియాడారు. రావణుడిగా యష్ భయంకరమైన నటనతో మెప్పించగా, సీత పాత్రలో సాయిపల్లవి ఎంతో హుందాగా నటించారని రాజమౌళి కితాబిచ్చారు.
క్లైమాక్స్ ఆకట్టుకుంది
ఈ చిత్రంలో ప్రీ-క్లైమాక్స్, క్లైమాక్స్ సన్నివేశాలు తనను ఎంతగానో ఆకట్టుకున్నాయని, ప్రతి క్షణాన్ని ఆస్వాదించానని దర్శకుడు రాజమౌళి తెలిపారు. ప్రతి భారతీయ కథకుడు చెప్పాలనుకునే రామాయణ ఇతిహాసాన్ని ఇంత గొప్పగా తెరపైకి తీసుకొచ్చిన దర్శకుడు నితేష్ తివారీ, నిర్మాత నమిత్ మల్హోత్రా సహా చిత్ర బృందానికి ఆయన ప్రత్యేకంగా అభినందనలు తెలియజేశారు. గతంలో అక్టోబర్ 17న సైతం ఈ సినిమా గురించి స్పందించిన రాజమౌళి.. నవంబర్ 5వ తేదీ కోసం ఆసక్తిగా ఎదురుచూస్తున్నట్లు ట్వీట్ చేసిన విషయం తెలిసిందే.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
