Arunachalam: అరుణాచలంలో కార్తీక మహాదీపం.. భక్తులకు కొండ ఎక్కడంపై నిషేధం

అరుణాచలం, సూర్య న్యూస్ డెస్క్ : తమిళనాడులోని ప్రసిద్ధ శైవ పుణ్యక్షేత్రం అరుణాచలంలో (Arunachalam) కార్తీక దీపోత్సవాలు అత్యంత వైభవంగా జరగనున్నాయి. ఇందులో భాగంగా ఈ నెల 24వ తేదీన మహాకొండపై కార్తీక మహా దీపాన్ని వెలిగించనున్నారు. ఈ పవిత్ర ఘట్టాన్ని వీక్షించేందుకు సుమారు 50 లక్షల మంది భక్తులు తరలివస్తారని అధికారులు అంచనా వేస్తున్నారు.

భారీ వర్ష సూచనల నేపథ్యంలో భద్రతా కారణాల దృష్ట్యా, గతేడాది తరహాలోనే ఈసారి కూడా భక్తులను మహాకొండ ఎక్కకుండా నిషేధిస్తున్నట్లు జిల్లా కలెక్టర్ అధికారికంగా వెల్లడించారు.

గతంలో 2024 సంవత్సరంలో కొండచరియలు విరిగిపడిన ప్రమాదంలో ఏడుగురు భక్తులు ప్రాణాలు కోల్పోయారు. ఈ విషాద ఘటన తర్వాత భక్తుల భద్రతను దృష్టిలో ఉంచుకుని అధికారులు కొండ ఎక్కడంపై ఈ నిషేధాన్ని అమలు చేస్తున్నారు.