|  
● FLASH NEWS
Eluru: ఆలయంలో అర్చకుడితో ఘర్షణ.. దాడి ఆరోపణలపై వివాదం  •  Crime: జపాన్ మహిళపై లైంగిక దాడి ఆరోపణలు.. యోగా కేంద్రం నిర్వాహకుడి అరెస్ట్  •  Jabardasth: రోడ్డు ప్రమాదంలో దొరబాబు, రైజింగ్ రాజుకు గాయాలు  •  Test: న్యూజిలాండ్‌పై భారత్ పరుగుల సునామీ.. 720/9తో భారీ ఆధిక్యం  •  Canada: కెనడాలో ఇద్దరి కాల్చివేత.. వెలుగులోకి సంచలన విషయాలు!  •  Health: రాప్తాడు బాలిక ఆరోగ్యంపై తీపి కబురు.. త్వరలోనే ఇంటికి!  • 
Skip to content

Bail: ట్రైనీ ఐపీఎస్ వేధింపుల కేసులో ఉదయ్ కృష్ణారెడ్డికి బెయిల్

హైదరాబాద్, సూర్య న్యూస్ : సంచలనం సృష్టించిన మహిళా ట్రైనీ ఐపీఎస్ (Trainee IPS) లైంగిక వేధింపుల కేసులో నిందితుడైన ట్రైనీ ఐపీఎస్ ఉదయ్ కృష్ణారెడ్డికి న్యాయస్థానంలో ఊరట లభించింది. ఈ కేసు విచారణ చేపట్టిన ఉప్పరపల్లి కోర్టు (Upparpally Court) తాజాగా ఆయనకు షరతులతో కూడిన బెయిల్ మంజూరు చేసింది.

బెయిల్ మంజూరులో భాగంగా రూ. 25 వేల చొప్పున రెండు పూచీకత్తులు సమర్పించాలని కోర్టు ఆదేశించింది. అలాగే, కేసు దర్యాప్తులో భాగంగా ప్రతి ఆదివారం పోలీసుల ఎదుట విచారణకు హాజరుకావాలని న్యాయస్థానం తన ఆదేశాల్లో స్పష్టం చేసింది.

అత్తాపూర్ పీఎస్‌లో కేసు నమోదు

సర్దార్ వల్లభాయ్ పటేల్ జాతీయ పోలీస్ అకాడమీలో (SVPNPA) శిక్షణ పొందుతున్న సమయంలో ఉదయ్ కృష్ణారెడ్డి తనపై లైంగిక వేధింపులకు పాల్పడ్డాడని బాధితురాలైన మహిళా ట్రైనీ ఐపీఎస్ పోలీసులకు ఫిర్యాదు చేశారు. ఆమె ఇచ్చిన ఫిర్యాదు ఆధారంగా గత జులై 18న అత్తాపూర్ పోలీసులు ఆయనపై వివిధ సెక్షన్ల కింద కేసు నమోదు చేసి దర్యాప్తు చేపట్టారు.

మరోవైపు, తనపై అత్తాపూర్ పోలీస్ స్టేషన్‌లో నమోదైన ఎఫ్ఐఆర్‌ను కొట్టివేయాలని కోరుతూ ఉదయ్ కృష్ణారెడ్డి న్యాయస్థానంలో క్వాష్ పిటిషన్ కూడా దాఖలు చేశారు.

ఈ వార్తపై మీ స్పందన?

🔥 గత 24 గంటల్లో అత్యధికంగా చదివిన వార్తలు

ఇవి గత 24 గంటల్లో ఎక్కువ మంది చదివిన వార్తలు