హైదరాబాద్: తెలంగాణ ఉప ముఖ్యమంత్రి మరియు ఆర్థిక శాఖ మంత్రి మల్లు భట్టి విక్రమార్క ఇంట్లో పెళ్లి వేడుకలు మొదలయ్యాయి. భట్టి విక్రమార్క తన కుమారుడు సూర్య విక్రమాదిత్య వివాహానికి సంబంధించి మొదటి ఆహ్వాన పత్రికను రాష్ట్ర ముఖ్యమంత్రి రేవంత్ రెడ్డికి అందజేశారు. గురువారం సాయంత్రం ముఖ్యమంత్రిని కలిసిన భట్టి విక్రమార్క తన సతీమణి నందిని మరియు ఇద్దరు కుమారులు సూర్య విక్రమాదిత్య సహేంద్ర విక్రమాదిత్యలతో కలిసి పెళ్లికి రావాల్సిందిగా సీఎంను సాదరంగా ఆహ్వానించారు.
మార్చి 5న ఘనంగా వివాహ వేడుక
సూర్య విక్రమాదిత్య వివాహం మార్చి 5, 2026న అత్యంత వైభవంగా జరగనుంది. మధిర నియోజకవర్గం నుండి వరుస విజయాలు సాధించి రాష్ట్ర రాజకీయాల్లో కీలక పాత్ర పోషిస్తున్న భట్టి విక్రమార్క తన కుమారుడి పెళ్లిని రాజకీయ ప్రముఖులు మరియు అభిమానుల సమక్షంలో నిర్వహించేందుకు ఏర్పాట్లు చేస్తున్నారు. ఈ వివాహ వేడుకకు ముఖ్యమంత్రితో పాటు కేబినెట్ మంత్రులు ఎంపీలు ఎమ్మెల్యేలు మరియు పలువురు జాతీయ స్థాయి నేతలు హాజరుకానున్నారు.