హైదరాబాద్, సూర్య న్యూస్: ఈరోజు తెల్లవారుజాము నుండి సోషల్ మీడియాలో (Social Media) ఒక వార్త కార్చిచ్చులా వ్యాపిస్తోంది. దేశవ్యాప్తంగా ఒక్కసారిగా వార్ లాక్డౌన్ (War Lockdown) విధిస్తున్నట్లు వచ్చిన ఒక ప్రకటనతో ప్రజలు తీవ్ర భయాందోళనకు గురయ్యారు. ఇరాన్ మరియు అమెరికా (Iran-US War) మధ్య యుద్ధ వాతావరణం నెలకొన్న నేపథ్యంలో భారత్లో అత్యవసర పరిస్థితులు ప్రకటించారని. తక్షణమే నిత్యావసరాలు నిల్వ చేసుకోవాలని ఆ నోటీసులో పేర్కొన్నారు. దీంతో నగరంలోని పలు ప్రాంతాల్లో ప్రజలు పెట్రోల్ బంకులు (Petrol Bunks), కిరాణా షాపుల వద్దకు పరుగులు తీశారు.
అయితే ఈ కలకలం రేపిన నోటీసు వెనుక ఉన్న అసలు నిజాన్ని తెలుసుకున్న వారు ముక్కున వేలేసుకుంటున్నారు. అసలు విషయం ఏమిటంటే. ఈరోజు ఏప్రిల్ 1 (April 1st) కావడంతో ఎవరో ఆకతాయిలు అత్యంత చాకచక్యంగా ప్రభుత్వ లోగోలు, సీల్స్ ఉపయోగిస్తూ ఈ నకిలీ PDFని సృష్టించారు. ఆ పత్రాన్ని పూర్తిగా చదివితే. దాని చివర్లో ఒక జెస్టర్ (Clown) బొమ్మ వేసి “ఏప్రిల్ ఫూల్” అని రాసి ఉంది. ఇది కేవలం ఒక ప్రాంక్ (Prank) మాత్రమేనని స్పష్టమవుతోంది.
కేంద్ర మంత్రులు నిర్మలా సీతారామన్ (Nirmala Sitharaman) మరియు హర్దీప్ సింగ్ పూరి (Hardeep Singh Puri) ఇప్పటికే ఈ తరహా వార్తలను ఖండించారు. దేశంలో ఎటువంటి లాక్డౌన్ ప్రతిపాదన లేదని వారు స్పష్టం చేశారు. కేవలం యుద్ధం పట్ల ఉన్న ఉత్కంఠను ఆసరాగా చేసుకుని సోషల్ మీడియాలో ఈ తప్పుడు వార్తను వైరల్ చేశారని అధికారులు తెలిపారు. హైదరాబాద్లోని ప్రధాన కూడళ్లలో జనం ఆందోళన చెందవద్దని. వాట్సాప్ (WhatsApp) లో వచ్చే ఇలాంటి ఫార్వర్డ్ మెసేజ్లను నమ్మవద్దని పోలీసులు హెచ్చరిస్తున్నారు.