హైదరాబాద్, సూర్య న్యూస్ : దేశ సేవ చేయాలనుకునే యువతకు భారత నావికాదళం (Indian Navy) గొప్ప అవకాశంకల్పించింది. అగ్నిపథ్ స్కీమ్ కింద అగ్నివీర్ ఎస్ఎస్ఆర్ (SSR), అగ్నివీర్ ఎంఆర్ (MR) మరియు ఎస్ఎస్ఆర్ మెడికల్ అసిస్టెంట్ పోస్టుల భర్తీకి నోటిఫికేషన్ విడుదల చేసింది. 01/2027 మరియు 02/2027 బ్యాచ్ల కోసం నిర్వహించే ఈ నియామక ప్రక్రియకు సంబంధించి ఆన్లైన్ దరఖాస్తులు ప్రారంభమయ్యాయి.
అర్హతలు మరియు వయస్సు:
అగ్నివీర్ ఎస్ఎస్ఆర్ పోస్టులకు ఇంటర్మీడియట్ (మ్యాథ్స్, ఫిజిక్స్) ఉత్తీర్ణులైన వారు, ఎంఆర్ పోస్టులకు పదో తరగతి పూర్తి చేసిన వారు అర్హులు. మెడికల్ అసిస్టెంట్ పోస్టులకు ఇంటర్ సైన్స్ బ్యాక్గ్రౌండ్ ఉండాలి. దరఖాస్తుదారులు అవివాహిత పురుషులు లేదా మహిళలై ఉండాలి (మెడికల్ పోస్టులకు కేవలం పురుషులు మాత్రమే). అభ్యర్థుల వయస్సు 17.5 నుండి 21 ఏళ్ల మధ్య ఉండాలి.
ఎంపిక ప్రక్రియ మరియు ముఖ్య తేదీలు:
అభ్యర్థులను రెండు దశల్లో ఎంపిక చేస్తారు. మొదటి దశలో కంప్యూటర్ ఆధారిత ఆన్లైన్ ఎంట్రన్స్ టెస్ట్ (INET) నిర్వహిస్తారు. ఇందులో ప్రతిభ చూపిన వారికి రెండో దశలో ఫిజికల్ ఫిట్నెస్ టెస్ట్ (PFT), రాత పరీక్ష మరియు మెడికల్ ఎగ్జామినేషన్ ఉంటాయి. ఆసక్తి గల అభ్యర్థులు ఏప్రిల్ 6, 2026 సాయంత్రం 5 గంటల లోపు అధికారిక వెబ్సైట్ joinindiannavy.gov.in ద్వారా దరఖాస్తు చేసుకోవాలి. అప్లికేషన్ ఫీజుగా 550 రూపాయలు (జీఎస్టీ అదనం) చెల్లించాల్సి ఉంటుంది. మే నెలలో మొదటి దశ పరీక్షలు జరిగే అవకాశం ఉంది. శిక్షణ ఐఎన్ఎస్ చిల్కా (INS Chilka)లో ఉంటుందని అధికారులు తెలిపారు.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
