కూకట్పల్లి, సూర్య న్యూస్ : కూకట్పల్లి నియోజకవర్గంలో రంజాన్ (Eid-ul-Fitr) పండుగ వేడుకలు ఘనంగా జరిగాయి. ఈ పవిత్ర పర్వదినాన్ని పురస్కరించుకుని నియోజకవర్గంలోని పలు కాలనీలలో ముస్లిం సోదరులు ఏర్పాటు చేసిన ప్రత్యేక రంజాన్ విందు కార్యక్రమంలో కాంగ్రెస్ పార్టీ సీనియర్ నాయకులు మరియు దేశాల్ మిత్రమండలి వ్యవస్థాపకులు శ్రీ గొట్టిముక్కల జస్వంత్ రావు (దేశాల్) పాల్గొన్నారు.
స్థానిక ముస్లిం సోదరులు చిన్ను పాషా, సాబెర్, షౌకత్, అజ్జు మరియు సమీర్ గారి ఆహ్వానం మేరకు జస్వంత్ రావు గారు ఈ కార్యక్రమంలో పాల్గొని, వారితో కలిసి పండుగ ఆనందాన్ని పంచుకున్నారు. ఈ సందర్భంగా ఆయన ముస్లిం సోదర సోదరీమణులందరికీ ‘ఈద్-ఉల్-ఫితర్ ముబారక్’ (Eid Mubarak) తెలియజేశారు. అల్లాహ్ తాలా అందరికీ శాంతి, సౌభాగ్యం మరియు ఆరోగ్యాన్ని ప్రసాదించాలని మనస్ఫూర్తిగా ఆకాంక్షించారు. ఈ కార్యక్రమంలో శ్రీ ములుగు భీమ్ రావు మరియు దేశాల్ మిత్రమండలి సభ్యులు పాల్గొన్నారు.