హైదరాబాద్, సూర్య న్యూస్ : హైదరాబాద్ శివరాంపల్లిలోని పీఎం శ్రీ కేంద్రీయ విద్యాలయం (NPA) 2026-27 విద్యా సంవత్సరానికి గాను వివిధ విభాగాల్లో టీచింగ్ పోస్టుల భర్తీకి దరఖాస్తులు కోరుతోంది. కాంట్రాక్ట్ ప్రాతిపదికన చేపట్టే ఈ నియామకాల కోసం మార్చి 24, 2026 (మంగళవారం) నాడు వాక్-ఇన్ ఇంటర్వ్యూలు నిర్వహించనున్నారు. అర్హత కలిగిన అభ్యర్థులు ఈ అవకాశాన్ని సద్వినియోగం చేసుకోవాలని పాఠశాల యాజమాన్యం సూచించింది.
పోస్టుల వివరాలు:
ఈ నోటిఫికేషన్ ద్వారా పిజిటి (PGT), టిజిటి (TGT), ప్రైమరీ టీచర్స్ (PRT)తో పాటు స్పెషల్ ఎడ్యుకేటర్ మరియు కౌన్సెలర్ పోస్టులను భర్తీ చేయనున్నారు. పిజిటి విభాగంలో హిందీ, ఇంగ్లీష్, మ్యాథ్స్, ఫిజిక్స్, కెమిస్ట్రీ, బయాలజీ సబ్జెక్టులు ఉండగా, టిజిటి విభాగంలో ఇంగ్లీష్, హిందీ, మ్యాథ్స్, సైన్స్, సోషల్ స్టడీస్ పోస్టులు అందుబాటులో ఉన్నాయి. వీటితో పాటు ఇతర మిస్లేనియస్ పోస్టులకు కూడా ఇంటర్వ్యూలు జరుగుతాయి.
ముఖ్యమైన సమాచారం:
ఆసక్తి గల అభ్యర్థులు ముందుగా కేవీఎస్ ‘సమ్విదా సాథి’ పోర్టల్ (https://samvida-sathi.kvs.gov.in)లో రిజిస్ట్రేషన్ చేసుకోవడం తప్పనిసరి. ఇంటర్వ్యూ రోజున ఉదయం 9:00 నుండి 9:30 గంటల మధ్య అభ్యర్థుల ధృవీకరణ పత్రాల పరిశీలన జరుగుతుంది. అభ్యర్థులు తమ ఒరిజినల్ సర్టిఫికెట్లు, సెల్ఫ్ అటెస్టెడ్ కాపీలు, ఫోటో ఐడెంటిటీ కార్డు మరియు పాస్పోర్ట్ సైజ్ ఫోటోతో హాజరు కావాలి. ఈ నియామకాలు కేవలం అవసరమైనప్పుడు మాత్రమే కాంట్రాక్ట్ ప్రాతిపదికన చేపడతారని, ఇంటర్వ్యూలకు హాజరయ్యే వారికి ఎటువంటి టీఏ/డీఏ (TA/DA) చెల్లించబడదని స్పష్టం చేశారు. మరిన్ని వివరాలకు పాఠశాల అధికారిక వెబ్సైట్ లేదా kvsvpnpahyd@gmail.com ఈమెయిల్ ద్వారా సంప్రదించవచ్చు.