పవిత్ర రంజాన్ మాసాన్ని పురస్కరించుకుని కుత్బుల్లాపూర్ నియోజకవర్గ పరిధిలోని రుడా మేస్త్రి నగర్లో మైనార్టీ నాయకుడు సలీం ఆధ్వర్యంలో ఏర్పాటు చేసిన ఇఫ్తార్ విందు ఘనంగా జరిగింది. ఈ వేడుకకు ముఖ్య అతిథులుగా మాజీ శాసనసభ్యులు కోన శ్రీశైలం గౌడ్ మరియు మాజీ టీపీసీసీ రాష్ట్ర ప్రధాన కార్యదర్శి, కుత్బుల్లాపూర్ కాంగ్రెస్ నాయకులు సొంటి రెడ్డి పున్నారెడ్డి హాజరయ్యారు.
శాంతి, సౌభ్రాతృత్వానికి ప్రతీక రంజాన్:
ఈ సందర్భంగా అతిథులు ముస్లిం సోదరులతో కలిసి ఇఫ్తార్ విందులో పాల్గొన్నారు. అనంతరం వారు మాట్లాడుతూ.. రంజాన్ పర్వదినం శాంతికి, మత సామరస్యానికి మరియు సౌభ్రాతృత్వానికి ప్రతీక అని కొనియాడారు. కులమతాలకు అతీతంగా అందరూ కలిసి మెలిసి పండుగలు జరుపుకోవడం మన సంస్కృతిలో భాగమని, కుత్బుల్లాపూర్ నియోజకవర్గం గంగా-జమునా తెహజీబ్కు నిలయమని పేర్కొన్నారు.
భారీగా తరలివచ్చిన ముస్లిం సోదరులు:
ఈ కార్యక్రమంలో సలీం, బుచ్చిరెడ్డి, అన్వర్, నాయబ్, రసూల్, ఆబిద్, ఆరిఫ్, శిరీష్, తోషిప్, నవీద్, చాంద్ పాషా తదితరులతో పాటు నియోజకవర్గంలోని మైనార్టీ సోదరులు, స్థానిక నాయకులు మరియు కాలనీవాసులు పెద్ద సంఖ్యలో పాల్గొని ఇఫ్తార్ విందును విజయవంతం చేశారు.