హైదరాబాద్ నగరంలోని చెరువుల పునరుద్ధరణలో భాగంగా హైడ్రా (HYDRAA) మరో రెండు కీలక ప్రాజెక్టులను పూర్తి చేసింది. కూకట్‌పల్లిలోని నల్లచెరువు, పాతబస్తీలోని చారిత్రక బమృకున్-ఉద్-దౌలా చెరువులు ఇప్పుడు ప్రజలకు అందుబాటులోకి రావడానికి సిద్ధంగా ఉన్నాయి. ముఖ్యమంత్రి రేవంత్ రెడ్డి ఈ నెల 6వ తేదీన బమృకున్-ఉద్-దౌలా చెరువును, ఆపై మరికొద్ది రోజుల్లో నల్లచెరువును ప్రారంభించనున్నారు. ఆక్రమణలను తొలగించి, పచ్చదనంతో ముస్తాబైన ఈ ప్రాంతాలు నగరవాసులకు కొత్త విహార కేంద్రాలుగా మారనున్నాయి.