బీరంగూడ, సూర్య న్యూస్ : పటాన్చెరు నియోజకవర్గం బీరంగూడ డివిజన్ పరిధిలోని త్రివేణి స్కూల్లో గ్రాడ్యుయేషన్ డే వేడుకలు శనివారం అత్యంత వైభవంగా జరిగాయి. ఈ కార్యక్రమానికి బీఆర్ఎస్ నాయకులు ఐలాపూర్ మాణిక్ యాదవ్ ముఖ్య అతిథిగా హాజరయ్యారు. చిన్నారుల విద్యా ప్రయాణంలో కీలకమైన ఈ ఘట్టాన్ని పురస్కరించుకుని ఆయన విద్యార్థులకు, వారి తల్లిదండ్రులకు ప్రత్యేక శుభాకాంక్షలు తెలియజేశారు.ఈ సందర్భంగా పాఠశాల విద్యార్థులు ప్రదర్శించిన పలు సాంస్కృతిక కార్యక్రమాలు ఆహుతులను ఎంతగానో అలరించాయి. విద్యార్థుల ప్రదర్శనలను ఆసక్తిగా వీక్షించిన మాణిక్ యాదవ్, వారి ప్రతిభను అభినందిస్తూ ప్రోత్సాహాన్ని అందించారు. అనంతరం గ్రాడ్యుయేషన్ పూర్తి చేసుకున్న చిన్నారి విద్యార్థులకు సర్టిఫికెట్లు అందజేసి వారిని సత్కరించారు.
ఈ సందర్భంగా పాఠశాల విద్యార్థులు ప్రదర్శించిన పలు సాంస్కృతిక కార్యక్రమాలు ఆహుతులను ఎంతగానో అలరించాయి. విద్యార్థుల ప్రదర్శనలను ఆసక్తిగా వీక్షించిన మాణిక్ యాదవ్, వారి ప్రతిభను అభినందిస్తూ ప్రోత్సాహాన్ని అందించారు. అనంతరం గ్రాడ్యుయేషన్ పూర్తి చేసుకున్న చిన్నారి విద్యార్థులకు సర్టిఫికెట్లు అందజేసి వారిని సత్కరించారు.
ఈ వేదికపై మాణిక్ యాదవ్ మాట్లాడుతూ విద్యా ప్రాముఖ్యతను నొక్కి చెప్పారు. విద్య అనేది ప్రతి ఒక్కరి జీవితంలో అత్యంత కీలకమైనదని, అది వ్యక్తిగత ఎదుగుదలకే కాకుండా సమాజ వికాసానికి తోడ్పడుతుందని పేర్కొన్నారు. విద్యార్థులు చిన్నప్పటి నుంచే క్రమశిక్షణను అలవాటు చేసుకోవాలని, ఉన్నత లక్ష్యాలను నిర్దేశించుకుని వాటి సాధన కోసం కృషి చేయాలని సూచించారు. భావి భారత పౌరులుగా ఎదిగి దేశానికి, సమాజానికి ఉపయోగపడే పనులు చేయాలని ఆయన ఆకాంక్షించారు. ఈ కార్యక్రమంలో పాఠశాల యాజమాన్యం, ఉపాధ్యాయ బృందం, పెద్ద సంఖ్యలో తల్లిదండ్రులు మరియు విద్యార్థులు పాల్గొన్నారు.