శ్రీహరికోట, సూర్య న్యూస్ : ప్రముఖ స్పేస్ టెక్ స్టార్టప్ (SpaceTech Startup) స్కైరూట్ ఏరోస్పేస్ (Skyroot Aerospace) సంస్థకు తృటిలో ముప్పు తప్పింది. పూర్తి స్వదేశీ పరిజ్ఞానంతో రూపొందించిన తొలి ఆర్బిటాల్ క్లాస్ రాకెట్ విక్రమ్-1 (Vikram 1 Rocket Launch) ప్రయోగానికి చివరి నిమిషంలో అంతరాయం ఏర్పడింది. శ్రీహరికోటలోని (Sriharikota) సతీష్ ధావన్ అంతరిక్ష కేంద్రం (SHAR) మొదటి ప్రయోగ వేదిక నుంచి ఈ రోజు ఉదయం 11.30 గంటలకు ఈ ప్రయోగం జరగాల్సి ఉంది. కౌంట్ డౌన్ సమయంలో అనుకోకుండా ఒక సాంకేతిక లోపం (Technical Issue) తలెత్తింది. దీంతో అప్రమత్తమైన శాస్త్రవేత్తలు ఈ రాకెట్ ప్రయోగాన్ని వెంటనే తాత్కాలికంగా నిలిపివేశారు.
పరిస్థితిని సమీక్షించిన శాస్త్రవేత్తలు లోపాన్ని గుర్తించేందుకు తీవ్రంగా శ్రమించారు. రాకెట్ ఇంధన ప్రక్రియలో (Fuel Process) సమస్య ఉన్నట్లు వారు గుర్తించారు. వెంటనే రంగంలోకి దిగి ఆ సమస్యను విజయవంతంగా సరిచేశారు. అనంతరం ఈ రోజు మధ్యాహ్నం 12.05 గంటలకు మళ్లీ విక్రమ్-1 రాకెట్ ప్రయోగించేందుకు కౌంట్ డౌన్ (Countdown) ప్రారంభించారు. సకాలంలో లోపాన్ని గుర్తించడంతో పెను ప్రమాదం తప్పినట్లయింది. ప్రయోగం నిలిచిపోవడంతో కొద్దిసేపు ఉత్కంఠ వాతావరణం నెలకొన్నా.. సమస్య పరిష్కారం కావడంతో అంతా ఊపిరి పీల్చుకున్నారు.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
