సిద్దిపేట, సూర్య న్యూస్ : సిద్దిపేట జిల్లా పరిధిలోని ఎర్రవల్లిలో మాజీ ముఖ్యమంత్రి, బీఆర్ఎస్ (BRS) అధినేత కేసీఆర్ (KCR) ఫామ్ హౌస్ భూముల సర్వే కోసం అధికార యంత్రాంగం సన్నద్ధమవుతోంది. రాష్ట్ర ప్రభుత్వం చేపట్టిన ‘భూభారతి’ సర్వేలో భాగంగా ఆ ప్రాంతంలోని రైతులకు నోటీసులు జారీ చేసేందుకు అధికారులు చర్యలు ముమ్మరం చేసినట్లు సమాచారం.
సిద్ధమైన నోటీసులు
ఎర్రవల్లి పరిధిలో భూముల సర్వే నిమిత్తం కేసీఆర్ సహా పలువురు స్థానిక రైతులకు జారీ చేయాల్సిన నోటీసులను మర్కూక్ తహశీల్దార్, రెవెన్యూ అధికారులు ఇప్పటికే సిద్ధం చేసినట్లు తెలుస్తోంది. ఈ నోటీసులను శుక్రవారం రాత్రి వరకు సంబంధిత భూ యజమానులకు అధికారికంగా అందజేసే అవకాశం ఉన్నట్లు విశ్వసనీయ వర్గాల ద్వారా సమాచారం అందుతోంది. కేసీఆర్ ఫామ్ హౌస్ ప్రాంతంలో సర్వే జరగనుండటంతో ఈ పరిణామం స్థానికంగా ప్రాధాన్యత సంతరించుకుంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
