Telangana Politics : కాంగ్రెస్ ప్రభుత్వానికి కవిత అల్టిమేటం.. 9 నెలలైనా ఆ జీవో ఎందుకు అమలు చేయరు?

Hyderabad, Surya News:జీవో నంబర్ 317 (GO 317) బాధితులైన టీచర్లు మరియు ఉద్యోగులకు (Employees) వెంటనే న్యాయం చేయాలని తెలంగాణ రక్షణ సేన (Telangana Rakshana Sena) చీఫ్ కల్వకుంట్ల కవిత (Kalvakuntla Kavitha) డిమాండ్ చేశారు. కాంగ్రెస్ ప్రభుత్వం (Congress Government) ఏర్పాటు చేసిన కేబినెట్ సబ్ కమిటీ ఇచ్చిన మధ్యంతర జీవో 190 ని (GO 190) తక్షణమే అమలు చేయాలని ఆమె స్పష్టం చేశారు. ఈ మేరకు శుక్రవారం ఆమె ఒక వీడియో సందేశాన్ని విడుదల చేశారు. వెంటనే 190 జీవో అమలు చేయకపోతే పెద్ద ఎత్తున ఉద్యమిస్తామని ప్రభుత్వాన్ని హెచ్చరించారు.

190 జీవో ఎందుకు అమలు చేయటం లేదు?

ఎన్నికలకు ముందు 317 జీవో బాధితులకు న్యాయం చేస్తామని హామీ ఇచ్చిన కాంగ్రెస్ పార్టీ అధికారంలోకి వచ్చిన తర్వాత వారిని మోసం చేస్తోందని కవిత ఆగ్రహం వ్యక్తం చేశారు. ఏ నిర్ణయం తీసుకోవాలన్నా కూడా ఈ ప్రభుత్వానికి గుండె ధైర్యం లేని పరిస్థితి కనిపిస్తుందని ఆమె చెప్పారు. ఉద్యమకారులు మరియు ఉద్యోగులకు సంబంధించిన అంశాల్లో కమిటీల పేరుతో ప్రభుత్వం కాలయాపన చేస్తుందని విమర్శించారు. 317 బాధితులైన టీచర్లు మరియు ఉద్యోగులకు స్థానికత (Locality) ఆధారంగా బదిలీలు (Transfers) చేస్తామని చెప్పి మంత్రులు దామోదర రాజనర్సింహా, శ్రీధర్ బాబు, పొన్నం ప్రభాకర్ లతో కూడిన కేబినెట్ సబ్ కమిటీ వేశారని ఆమె గుర్తు చేశారు. ఆ కమిటీ ఇచ్చిన నివేదిక ఆధారంగా జారీ చేసిన 190 జీవోను ఎందుకు అమలు చేయటం లేదని ప్రభుత్వాన్ని ప్రశ్నించారు. అవసరమైతే సూపర్ న్యూమరీ ఉద్యోగాలు (Supernumerary Posts) కూడా సృష్టిస్తామని హామీ ఇచ్చారని కవిత పేర్కొన్నారు. 190 జీవో తెచ్చి తొమ్మిది నెలలు గడిచినా దానిని అమలు చేయకపోవడం దారుణమని ఆమె మండిపడ్డారు. ఎవరి కోసం లేదా ఏ పైరవీ కోసం ఈ జీవోను అమలు చేయటం లేదో చెప్పాలని డిమాండ్ చేశారు. 190 జీవో గడువే మూడేళ్లు ఉందని ఇప్పటికే తొమ్మిది నెలలు గడిచిపోయిందని ఆమె అన్నారు.

ఉద్యోగుల కోసం మేము పోరాడుతాం

కాంగ్రెస్ ప్రభుత్వ వైఖరి కారణంగా టీచర్లు మరియు ఉద్యోగులు తీవ్రంగా ఇబ్బంది పడుతున్నారని కవిత ఆవేదన వ్యక్తం చేశారు. 317 జీవో కారణంగా వారంతా స్థానికత కోల్పోయారని చెప్పారు. జీవో 25 రేషనలైజేషన్ తో సంబంధం లేకుండా వెంటనే 190 జీవోను అమలు చేయాలని ఆమె కోరారు. ఈ విషయంలో ప్రభుత్వం చేస్తోన్న తాత్సారంపై ఉద్యోగ సంఘాలు (Employee Unions) పెద్ద ఎత్తున ఉద్యమించాలని కవిత పిలుపునిచ్చారు. టీచర్లు మరియు ఉద్యోగుల హక్కుల కోసం వారి తరఫున తెలంగాణ రక్షణ సేన పోరాటం చేస్తుందని ఆమె స్పష్టం చేశారు. వెంటనే 190 జీవో అమలు పై చర్యలు చేపట్టకపోతే భవిష్యత్తులో భారీ ఉద్యమం (Agitation) తప్పదని ప్రభుత్వాన్ని కవిత హెచ్చరించారు.