Hyderabad, Surya News:ప్రధాని నరేంద్ర మోదీ (PM Narendra Modi) నోట తన కుమారుడికి దక్కిన ప్రశంసలు చూసి మెగాస్టార్ చిరంజీవి (Megastar Chiranjeevi) మురిసిపోతున్నారు. ఢిల్లీలో జరిగిన రిపబ్లిక్ టీవీ సమ్మిట్ లో గ్లోబల్ స్టార్ రామ్ చరణ్ (Global Star Ram Charan) పాల్గొని ప్రధానిని మర్యాదపూర్వకంగా కలిశారు. ఈ సందర్భంగా మోదీ స్వయంగా చరణ్ ను న్యూ ఏజ్ మెగాస్టార్ (New Age MegaStar) అని సంబోధించారు. ఈ విషయం తెలుసుకున్న చిరంజీవి సోషల్ మీడియా (Social Media) వేదికగా తన ఆనందాన్ని అభిమానులతో పంచుకున్నారు.
పుత్రోత్సాహంతో మురిసిపోతున్న మెగాస్టార్పుత్రోత్సాహము తండ్రికి పుత్రుడు జన్మించినప్పుడే పుట్టదు అంటూ సాగే సుమతీ శతక పద్యంతో చిరంజీవి తన పోస్ట్ ను ప్రారంభించారు. జనులు పుత్రుని కనుగొని పొగడగా పుత్రోత్సాహం నాడు పొందుర సుమతీ అనే వాక్యాలను ఆయన ప్రత్యేకంగా గుర్తు చేసుకున్నారు. ఇలాంటి ప్రతిష్ఠాత్మక వేదికలపై తన బిడ్డకు (Ram Charan) దక్కుతున్న గుర్తింపు, గౌరవం చూస్తుంటే ఒక తండ్రిగా ఎంతో గర్వంగా ఉందని ఆయన పేర్కొన్నారు. చరణ్ తన అంకితభావం, నటనతో ప్రేక్షకుల అభిమానాన్నే కాకుండా దేశవ్యాప్తంగా విశేషమైన గుర్తింపును సంపాదించుకోవడం సంతోషకరం అని ఆయన వివరించారు.
ప్రపంచవ్యాప్తంగా తెలుగు సినిమా ఖ్యాతికొడుకు ఎదుగుదలను చూసి ఒక తండ్రిగా గర్వపడుతున్నానని చిరు (Chiranjeevi) ఎమోషనల్ అయ్యారు. చరణ్ ఇంకా మరెన్నో ఉన్నత శిఖరాలను అధిరోహించాలని ఆయన మనస్ఫూర్తిగా కోరుకున్నారు. తెలుగు సినిమా (Telugu Cinema) ఖ్యాతిని ప్రపంచవ్యాప్తంగా మరింత విస్తరించాలని ఆయన ఆకాంక్షించారు. ప్రధాని మోదీతో చరణ్ దిగిన ఫోటోలను కూడా ఈ సందర్భంగా చిరు షేర్ చేశారు. తాజాగా జరిగిన ‘పెద్ది’ విజయోత్సవ వేడుకలోనూ రామ్ చరణ్ పై చిరంజీవి ప్రశంసలు కురిపించిన విషయం తెలిసిందే.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
