ఢిల్లీ, సూర్య న్యూస్ : ప్రధానమంత్రి నరేంద్ర మోడీ (PM Modi) అధ్యక్షతన ఈరోజు, రేపు కేంద్ర మంత్రులతో ‘చింతన్ బైఠక్’ (Chintan Baithak) పేరిట కీలక సమావేశాలు జరగనున్నాయి. ‘వికసిత్ భారత్ 2047’ లక్ష్యంగా ఇప్పటివరకు తీసుకున్న చర్యలు, భవిష్యత్తు కార్యాచరణపై ఈ రెండు రోజుల భేటీలో సమగ్రంగా చర్చించనున్నారు.
ఆరు గ్రూపులుగా కేంద్ర మంత్రులు
ఈ ఉన్నతస్థాయి సమీక్షా సమావేశం కోసం కేంద్ర మంత్రులను మొత్తం ఆరు గ్రూపులుగా విభజించారు. ఒక్కో గ్రూపులో ఎనిమిది మంది మంత్రులు సభ్యులుగా ఉంటారు. వీరంతా తమ తమ శాఖల పనితీరు, ఇప్పటివరకు సాధించిన ప్రగతికి సంబంధించిన సమగ్ర నివేదికలను ఈ సమావేశంలో సమర్పించనున్నారు.
సంస్కరణలు, పథకాల అమలుపై సమీక్ష
భవిష్యత్తులో దేశవ్యాప్తంగా తీసుకురావాల్సిన సంస్కరణలు, వివిధ మంత్రిత్వ శాఖల పనితీరుతో పాటు కేంద్ర ప్రభుత్వ పథకాల అమలు తీరుపై కూడా ఈ సమావేశాల్లో ప్రధానంగా సమీక్ష నిర్వహించనున్నారు. ప్రభుత్వం అమలు చేస్తున్న విధానాలు క్షేత్రస్థాయిలో ప్రజలకు ఎలా చేరుతున్నాయనే దానిపై ఈ భేటీలో విశ్లేషించనున్నారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
