NHSRCL Recruitment 2026 : బుల్లెట్ ట్రైన్ ప్రాజెక్టుల్లో ఉద్యోగాలు.. టెన్త్ అర్హతతో నెలకు లక్షకు పైగా జీతం

Hyderabad, Surya News: రైల్వే రంగంలో ప్రభుత్వ ఉద్యోగాల కోసం ఎదురుచూస్తున్న నిరుద్యోగులకు నేషనల్ హైస్పీడ్ రైల్ కార్పొరేషన్ లిమిటెడ్ (NHSRCL) ఒక మంచి అవకాశం కల్పించింది. దేశవ్యాప్తంగా చేపడుతున్న బుల్లెట్ ట్రైన్ (Bullet Train) ప్రాజెక్టులకు సంబంధించి వివిధ విభాగాల్లో టెక్నీషియన్ (Technician) పోస్టుల భర్తీ కోసం దరఖాస్తులను ఆహ్వానిస్తోంది. ఈ నోటిఫికేషన్ కింద మొత్తం 237 ఖాళీలను భర్తీ చేయనున్నారు. ఎంపికైన అభ్యర్థులకు దేశంలోని హైస్పీడ్ రైల్ ప్రాజెక్టులలో కీలక బాధ్యతలు అప్పగిస్తారు. ఉద్యోగులను దేశవ్యాప్తంగా ఎక్కడైనా నియమించే అవకాశం ఉంటుంది.

ఉద్యోగాలకు సంబంధించిన పూర్తి వివరాలు కింద ఇవ్వబడ్డాయి.

ఖాళీల వివరాలు:

మొత్తం పోస్టుల సంఖ్య 237.

సివిల్, ఎలక్ట్రికల్, మెకానికల్, ఎలక్ట్రానిక్స్, సిగ్నలింగ్ అండ్ టెలికాం, రోలింగ్ స్టాక్ విభాగాల్లో ఈ పోస్టులు ఉన్నాయి.

విద్యార్హతలు (Qualifications):

దరఖాస్తు చేసుకునే అభ్యర్థులు పదో తరగతి (10th Class) ఉత్తీర్ణతతో పాటు సంబంధిత ట్రేడ్‌లో ఐటీఐ (ITI) పూర్తి చేసి ఉండాలి.

ఐటీఐలో ఫిట్టర్, మెకానిక్, డ్రాఫ్ట్స్ మ్యాన్, సర్వేయర్, ఎలక్ట్రీషియన్, వెల్డర్, ప్లంబర్, పెయింటర్, ఎలక్ట్రానిక్ మెకానిక్, కంప్యూటర్ ఆపరేటర్ వంటి ట్రేడ్లు పూర్తి చేసిన అభ్యర్థులు ఈ పోస్టులకు దరఖాస్తు చేసుకోవడానికి అర్హులు.

సివిల్, ఎలక్ట్రికల్, మెకానికల్, ఎలక్ట్రానిక్స్, కంప్యూటర్ సైన్స్, ఇన్ఫర్మేషన్ టెక్నాలజీ విభాగాల్లో ఇంజనీరింగ్ డిప్లొమా (Diploma) పూర్తి చేసిన వారు కూడా దరఖాస్తు చేసుకోవచ్చు.

​బీఈ/బీటెక్ (BE/BTech) వంటి ఉన్నత విద్యార్హతలు మాత్రమే ఉండి, ఐటీఐ లేదా డిప్లొమా లేని వారు దరఖాస్తుకు అనర్హులు.

అనుభవం మరియు వయోపరిమితి (Age Limit):

అభ్యర్థులకు 2026 జూన్ 30 నాటికి కనీసం రెండేళ్ల ఉద్యోగ అనుభవం (Work Experience) తప్పనిసరిగా ఉండాలి.

బోధన, ఫ్యాకల్టీ, అప్రెంటిస్‌షిప్, ఫ్రీలాన్సింగ్ వంటి అనుభవాలను ఉద్యోగ అనుభవంగా పరిగణించరు.

అభ్యర్థుల వయసు 35 సంవత్సరాలకు మించకూడదు. ప్రభుత్వ నిబంధనల ప్రకారం ఎస్సీ, ఎస్టీ, ఓబీసీ వర్గాలకు వయోపరిమితిలో సడలింపు ఉంటుంది.

​ఎంపిక విధానం (Selection Process):

కంప్యూటర్ బేస్డ్ టెస్ట్ (CBT), ధ్రువపత్రాల పరిశీలన, ఇంటర్వ్యూ, వైద్య పరీక్షల ఆధారంగా తుది ఎంపిక ఉంటుంది.

నియామకం అనంతరం ఎంపికైన వారికి ఒక సంవత్సరం ప్రొబేషన్ కాలం ఉంటుంది.

జీతం (Salary):

ఎంపికైన వారికి నెలకు రూ. 35,000 నుంచి రూ. 1,10,000 వరకు వేతనం అందుతుంది.

అదనంగా ఐడీఏ, హెచ్ఆర్ఏ, వైద్య సదుపాయాలు, ఈపీఎఫ్, గ్రాట్యుటీ తదితర ప్రయోజనాలు కూడా లభిస్తాయి.

దరఖాస్తు విధానం:

అర్హత కలిగిన వారు ఆన్లైన్ (Online) విధానంలో దరఖాస్తు చేసుకోవాలి.

దరఖాస్తు చేసుకోవడానికి ఆఖరి తేదీ 5 ఆగస్టు, 2026.

జనరల్ / ఈడబ్ల్యూఎస్ / ఓబీసీ అభ్యర్థులు రూ. 400 దరఖాస్తు ఫీజు చెల్లించాలి. ఎస్సీ / ఎస్టీ / మహిళా అభ్యర్థులకు ఫీజు లేదు.

పేజీల కొద్దీ వార్తలు చదివే తీరిక లేదా?

అసలు విషయం ఏంటో 3 లైన్లలో ఫాస్ట్‌గా తెలుసుకోవాలంటే..

ఇప్పుడే మా WhatsApp ఛానల్‌లో జాయిన్ అవ్వండి! 🎯

Join