సూర్య న్యూస్ డెస్క్ : అమెరికాలోని హవాయి వేదికగా జరిగిన ఐరన్‌మ్యాన్ వరల్డ్ ఛాంపియన్‌షిప్‌లో (Ironman World Championship) భారత యువ అథ్లెట్ రినీ నొరోన్హా అరుదైన ఘనత సాధించారు. ఈ నెల 10న జరిగిన ఈ పోటీల్లో కేవలం 20 ఏళ్ల వయసులోనే 226 కిలోమీటర్ల ట్రయాథ్లాన్‌ను 15.41 గంటల్లో పూర్తి చేసి సరికొత్త రికార్డు సృష్టించారు.
ప్రపంచంలోనే అత్యంత కఠినమైన క్రీడా ఈవెంట్లలో ఒకటైన ఈ ట్రయాథ్లాన్‌లో.. 3.8 కిలోమీటర్ల స్విమ్మింగ్, 180.2 కిలోమీటర్ల సైక్లింగ్, 42.2 కిలోమీటర్ల రన్నింగ్ ఉంటాయి. ఈ కఠినమైన లక్ష్యాన్ని విజయవంతంగా పూర్తి చేసిన అత్యంత పిన్న వయస్కురాలైన భారతీయురాలిగా రినీ నొరోన్హా చరిత్ర పుటల్లోకెక్కారు.
రినీ నొరోన్హా ప్రస్తుతం ఐఐటీ మద్రాస్‌లో బ్యాచిలర్స్ డిగ్రీ చదువుతున్నారు. ఒకవైపు అత్యున్నత విద్యాసంస్థలో చదువుతూనే, మరోవైపు అథ్లెటిక్స్‌లోనూ ఇలాంటి సాహసోపేతమైన రికార్డులు సాధించడం పట్ల క్రీడాభిమానుల నుంచి సర్వత్రా ప్రశంసలు వ్యక్తమవుతున్నాయి. జాతీయ జెండా పట్టుకుని ఆమె సంబరాలు చేసుకుంటున్న దృశ్యాలు ప్రస్తుతం అందరినీ ఆకట్టుకుంటున్నాయి.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
