మాదాపూర్: ఇప్పుడే ఇలా ఉంటే వేసవిలో ఇంకెలా? నీళ్లు లేక అల్లాడిపోతున్నామంటూ పీజీ యువతి ఆవేదన

రిపోర్టర్: Sarala

మాదాపూర్, సూర్య న్యూస్: హైదరాబాద్ (Hyderabad) మహా నగరంలో అప్పుడే నీటి కష్టాలు తీవ్ర రూపం దాల్చుతున్నాయి. ప్రధాన ఐటీ కారిడార్‌లోని మాదాపూర్‌లో (Madhapur) ఉన్న పలు హాస్టళ్లలో (Hostels) తీవ్ర నీటి కొరత (Water Crisis) ఏర్పడింది. నీళ్లు లేక కనీసం స్నానాలు కూడా చేయకుండానే ఆఫీసులకు (Offices) వెళ్లాల్సి వస్తోందని ఓ పీజీ (PG) యువతి ఆవేదన వ్యక్తం చేసింది. కేవలం 3, 4 గంటలు నీళ్లు రాకపోతేనే నరకం కనిపిస్తోందని, పరిస్థితి ఇలాగే కొనసాగితే తమ పరిస్థితి ఏంటని వాపోతున్నారు.

వేసవి కాలం రాకముందే నగరంలో ఈ స్థాయిలో జలగండం ఏర్పడటం నగరవాసులను తీవ్ర భయాందోళనలకు గురిచేస్తోంది. ఇప్పటికే నీటి ఎద్దడి కారణంగా నగరంలోని కొన్ని ప్రైవేట్ స్కూళ్లకు ముందస్తు దీపావళి సెలవులు సైతం ప్రకటించాల్సిన పరిస్థితి వచ్చింది. చలికాలం ప్రారంభంలోనే నీటి కటకట ఇంత దారుణంగా ఉంటే, రాబోయే ఎండాకాలంలో ఇంకెన్ని కష్టాలు పడాలో అని ప్రజలు బెంబేలెత్తిపోతున్నారు. జలమండలి అధికారులు వెంటనే స్పందించి తగిన ప్రత్యామ్నాయ చర్యలు చేపట్టాలని కోరుతున్నారు.