గోవా, సూర్య న్యూస్ : ప్రఖ్యాత బాలీవుడ్ (Bollywood) సీనియర్ నటుడు నానా పటేకర్ (Nana Patekar) గుండెపోటుతో కన్నుమూశారు. గురువారం తెల్లవారుజామున గోవాలోని తన నివాసంలో తీవ్ర గుండెపోటు రావడంతో 75 ఏళ్ల వయసులో ఆయన తుదిశ్వాస విడిచారు.
అపస్మారక స్థితిలో పడి ఉన్న ఆయనను కుటుంబ సభ్యులు వెంటనే స్థానిక మణిపాల్ ఆసుపత్రికి తరలించారు. దాదాపు 45 నిమిషాల పాటు వైద్యులు నిరంతరాయంగా సీపీఆర్ చేసినప్పటికీ ఆయనను ప్రాణాలతో కాపాడలేకపోయామని అంకాలజీ విభాగాధిపతి డాక్టర్ శేఖర్ సల్కర్ అధికారికంగా వెల్లడించారు. ఉదయం 5:20 గంటలకు ఆయన కన్నుమూసినట్లు వైద్యులు ధృవీకరించారు. హిందీ, మరాఠీ, తమిళ భాషల్లో మొత్తం 70కి పైగా చిత్రాల్లో వైవిధ్యమైన పాత్రలు పోషించిన ఆయన.. భారతీయ చలనచిత్ర రంగంలో తనకంటూ ఒక ప్రత్యేకమైన గుర్తింపు తెచ్చుకున్నారు.
సేవ, సాయం.. నిరాడంబరత
నానా పటేకర్ కేవలం నటనకే పరిమితం కాలేదు. అత్యంత నిరాడంబరంగా జీవిస్తూ ‘నామ్ ఫౌండేషన్’ ద్వారా ఎన్నో గొప్ప సేవా కార్యక్రమాలు చేపట్టారు. ముఖ్యంగా 2015లో మహారాష్ట్రలో ఆత్మహత్య చేసుకున్న రైతు కుటుంబాలకు తలా రూ. 15 వేల చొప్పున ఆర్థిక సాయం అందించారు. మహిళల ఉపాధి కోసం కుట్టు మిషన్లు, పిండి మిల్లులు పంపిణీ చేయడమే కాకుండా కరువు గ్రామాలను దత్తత తీసుకున్నారు. వందల కాలువల్లో పూడికతీత పనులు చేపట్టి నదుల పునరుజ్జీవనానికి విశేష కృషి చేశారు. అంతేకాకుండా, టెరిటోరియల్ ఆర్మీలో లెఫ్టినెంట్ కల్నల్‌గా కూడా ఆయన దేశానికి తన సేవలందించారు.
తీరని లోటు: ముర్ము, మోదీ సంతాపం
నానా పటేకర్ మృతి పట్ల రాష్ట్రపతి ద్రౌపది ముర్ము, ప్రధానమంత్రి నరేంద్ర మోదీ తీవ్ర దిగ్భ్రాంతి వ్యక్తం చేశారు. తరాలపాటు గుర్తుండిపోయే అద్భుతమైన పాత్రలను ఆయన పోషించారని, ఆయన మరణం తీరని లోటని వారు కొనియాడారు. పలు రాష్ట్రాల ముఖ్యమంత్రులు, కాంగ్రెస్ జాతీయ అధ్యక్షుడు మల్లికార్జున ఖర్గే తదితర రాజకీయ ప్రముఖులతో పాటు సినీ దిగ్గజాలు జూనియర్ ఎన్టీఆర్, అక్షయ్ కుమార్, సునీల్ శెట్టి, కంగనా రనౌత్, రామ్ గోపాల్ వర్మ, మనోజ్ బాజ్‌పేయ్, ప్రకాశ్ రాజ్ తదితరులు ఆయన మృతికి ప్రగాఢ సంతాపం ప్రకటించారు. మాజీ క్రికెటర్ శిఖర్ ధావన్ సైతం ఆయన సేవలను స్మరించుకుంటూ నివాళులు అర్పించారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
