|  
● FLASH NEWS
Congress: సంక్షేమ పథకాల పేరుతో ప్రజలను మోసం చేస్తున్నారు.. కేపీ వివేకానంద్ ఫైర్  •  Trump: ఇరాన్‌పై దాడులకు తొందరపడొద్దన్న ట్రంప్  •  BRS: సిద్దిపేట సభ అట్టర్ ఫ్లాప్.. రేవంత్‌పై గట్టు రాంచందర్ రావు ఫైర్  •  Chukka: చుక్కా రామయ్య సలహాలతో ముందుకెళ్తాం.. సీఎం రేవంత్ వెల్లడి  •  JEE: సెషన్-1 దరఖాస్తు గడువు ముగింపు.. అభ్యర్థులకు అలర్ట్  •  Arrest: మాజీ ఎమ్మెల్యే రేఖానాయక్ అరెస్ట్‌కు రంగం సిద్ధం.. ఖానాపూర్‌లో ఉద్రిక్తత  • 
Skip to content

BRS: సిద్దిపేట సభ అట్టర్ ఫ్లాప్.. రేవంత్‌పై గట్టు రాంచందర్ రావు ఫైర్

హైదరాబాద్, సూర్య న్యూస్ : సిద్దిపేటలో ముఖ్యమంత్రి రేవంత్ రెడ్డి (CM Revanth Reddy) నిర్వహించిన బహిరంగ సభ పూర్తిగా విఫలమైందని బీఆర్ఎస్ (BRS) నేత గట్టు రాంచందర్ రావు విమర్శించారు. హైదరాబాద్‌లోని తెలంగాణ భవన్‌లో ఏర్పాటు చేసిన మీడియా సమావేశంలో ఆయన మాట్లాడారు. కొండను తవ్వి ఎలుకను కూడా పట్టలేని విధంగా ముఖ్యమంత్రి ప్రసంగం సాగిందని, ప్రజా సమస్యలు, కరువు సహాయక చర్యలను పక్కనపెట్టి ప్రతిపక్షాలను దూషించడానికే సభను వాడుకున్నారని ఆరోపించారు.

హరీశ్ రావుపై వ్యాఖ్యలు, సిద్దిపేట పోటీ సవాల్

సిద్దిపేట నియోజకవర్గంలోని ప్రతి ఇంటితో మాజీ మంత్రి హరీశ్ రావుకు విడదీయరాని అనుబంధం ఉందని గట్టు రాంచందర్ రావు పేర్కొన్నారు. హరీశ్ రావును ఉద్దేశించి ముఖ్యమంత్రి బాడీ షేమింగ్ వ్యాఖ్యలు చేయడం తగదని హితవు పలికారు. తాటి చెట్టు కల్పవృక్షం వంటిదని, అందులో ప్రతి భాగం విలువైనదేనని చెబుతూ తెలంగాణకు హరీశ్ రావు కూడా ఒక కల్పవృక్షం లాంటి వారని అభివర్ణించారు. తాటి చెట్టును తక్కువ చేసి మాట్లాడటం గౌడ కులస్థులను అవమానించడమేనని అన్నారు. దమ్ముంటే సిద్దిపేటలో హరీశ్ రావు విసిరిన సవాల్‌ను స్వీకరించి పోటీ చేయాలని, అప్పుడు ఎవరి సత్తా ఏమిటో తేలిపోతుందని వ్యాఖ్యానించారు.

డబ్బు రాజకీయాలు, శంకరమ్మ అంశంపై విమర్శలు

వచ్చే ఎన్నికల్లో డబ్బులు ఖర్చు చేసి గెలవాలని రేవంత్ రెడ్డి ప్రయత్నిస్తున్నారని గట్టు రాంచందర్ రావు ఆరోపించారు. గతంలో చంద్రబాబు నాయుడు డబ్బులు పంచినా ప్రజలు ఆదరించలేదని గుర్తుచేశారు. తెలంగాణ అమరవీరులకు కనీసం నివాళులు అర్పించని ముఖ్యమంత్రి, ఇప్పుడు అమరవీరుల గురించి మాట్లాడటం విడ్డూరంగా ఉందన్నారు. శంకరమ్మను పక్కన పెట్టుకుని రాజకీయ డ్రామా ఆడుతున్నారని, గతంలో ఆమెను ఎన్నికల్లో ఓడించింది కాంగ్రెస్ పార్టీయేనని విమర్శించారు. శంకరమ్మకు అన్ని విధాలా గౌరవం కల్పించింది కేసీఆర్ మాత్రమేనని స్పష్టం చేశారు.

కాంగ్రెస్ అంతర్గత రాజకీయాలు, బీజేపీ ప్రచారంపై ఆరోపణలు

ముఖ్యమంత్రి పదవిలో ఉండి అనుచిత భాష వాడటం సరికాదని, రేవంత్ రెడ్డి ఇకనైనా పాలనపై దృష్టి సారించాలని గట్టు రాంచందర్ రావు సూచించారు. బీఆర్ఎస్ నేతలు బీజేపీలో చేరుతారని ముఖ్యమంత్రి చేస్తున్న ప్రచారంలో వాస్తవం లేదని కొట్టిపారేశారు. వాస్తవానికి రేవంత్ రెడ్డే బీజేపీలోకి వెళ్లేందుకు ప్రణాళికలు రచిస్తున్నారని, ఆ అంశాన్ని పక్కదారి పట్టించడానికే ఇతరులపై ఆరోపణలు చేస్తున్నారని అన్నారు. కాంగ్రెస్ పార్టీలోని ఇతర నేతలే ఆయనను రాజకీయంగా దెబ్బతీయడం ఖాయమని వ్యాఖ్యానించారు. ఈ సమావేశంలో బీఆర్ఎస్ నేతలు బొమ్మెర రామమూర్తి, వాడపల్లి మాధవ్ తదితరులు పాల్గొన్నారు.

ఈ వార్తపై మీ స్పందన?

🔥 గత 24 గంటల్లో అత్యధికంగా చదివిన వార్తలు

ఇవి గత 24 గంటల్లో ఎక్కువ మంది చదివిన వార్తలు