హైదరాబాద్లోని బిజీ ప్రాంతమైన అమీర్పేట్లో శుక్రవారం ఉదయం పెను ప్రమాదం సంభవించింది. మైత్రివనం నీలగిరి బ్లాక్లోని నాలుగో అంతస్తులో ఉన్న ఒక కోచింగ్ సెంటర్లో మంటలు చెలరేగాయి. దట్టమైన పొగ కారణంగా లోపల ఎంతమంది చిక్కుకున్నారనే దానిపై ఇంకా స్పష్టత రాలేదు. అగ్నిమాపక సిబ్బంది ఘటనా స్థలానికి చేరుకుని సహాయక చర్యలు ముమ్మరం చేశారు.
తెలంగాణలో కాంగ్రెస్ ప్రభుత్వం అధికారంలోకి వచ్చి సగం కాలం పూర్తవుతున్నా హామీల అమలులో విఫలమైందని విమర్శిస్తూ కేటీఆర్ ముఖ్యమంత్రి రేవంత్ రెడ్డికి బహిరంగ లేఖ రాశారు. రాబోయే బడ్జెట్ లో 6 గ్యారెంటీలకు నిధులు కేటాయించకపోతే ప్రజల పక్షాన ప్రభుత్వాన్ని నిలదీస్తామని ఆయన హెచ్చరించారు.
హైదరాబాద్ నగరవాసుల తాగునీటి మరియు మురుగునీటి సమస్యల పరిష్కారమే లక్ష్యంగా జలమండలి రేపటి నుండి ‘బస్తీ బాట’ కార్యక్రమాన్ని చేపడుతోంది. వారానికి నాలుగు రోజులు అధికారులు నేరుగా బస్తీల్లో పర్యటించి ప్రజలతో మమేకం కానున్నారు.
ఉన్నత విద్యా రంగంలో సంస్కరణలు మరియు సాంకేతికతపై చర్చించేందుకు ఓయూలో 100 మంది వైస్ ఛాన్సలర్ల సమావేశం ప్రారంభం అయింది.
సైబర్ నేరాల బాధితులకు ఊరటనిస్తూ హైదరాబాద్ సిటీ పోలీస్ ‘సి-మిత్ర’ వర్చువల్ హెల్ప్డెస్క్ను అందుబాటులోకి తీసుకువచ్చింది. పోలీస్ స్టేషన్కు వెళ్లాల్సిన అవసరం లేకుండానే బాధితులు తమ ఇంటి నుండే ఆన్లైన్ ద్వారా ఎఫ్ఐఆర్ (FIR) నమోదు చేసుకోవచ్చు. ఏఐ (AI) సాంకేతికతతో ఫిర్యాదు పత్రాన్ని సిద్ధం చేసే ఈ సరికొత్త విధానం ద్వారా ఇప్పటికే వందకు పైగా కేసులు నమోదయ్యాయి.
ఆధ్వర్యంలో ‘యువ ఆపద మిత్ర’ మూడవ బ్యాచ్ శిక్షణ కార్యక్రమం అట్టహాసంగా ప్రారంభమైంది. ఫతుల్గూడలో 105 మంది వాలంటీర్లకు విపత్తు నిర్వహణ మరియు ప్రాణరక్షణ మెలుకువలపై అడిషనల్ డైరెక్టర్ వర్ల పాపయ్య కీలక దిశానిర్దేశం చేశారు. ప్రకృతి వైపరీత్యాల సమయంలో ప్రజలకు భరోసా ఇచ్చేలా వారం రోజుల పాటు ఈ ప్రత్యేక శిక్షణ కొనసాగనుంది.
పండిట్ దీన్ దయాళ్ ఉపాధ్యాయ దక్షిణాది రాష్ట్రాల ప్రశిక్షణ మహాభియాన్-2026 కార్యశాల హైదరాబాద్లో అట్టహాసంగా ప్రారంభమైంది. జాతీయ నేతలు బి.ఎల్. సంతోష్, తరుణ్ చుగ్లతో కలిసి పార్టీ నేత ఎన్. రామచందర్ రావు బీజేపీ పతాకాన్ని ఆవిష్కరించారు. దక్షిణాదిలో పార్టీ పటిష్టతే లక్ష్యంగా ఈ శిక్షణా తరగతులు కొనసాగనున్నాయి.
అంబేద్కర్ ఓపెన్ యూనివర్సిటీ విద్యార్థుల భవిష్యత్తును మెరుగుపరుస్తూ మరో కీలక ముందడుగు వేసింది. టీసీఎస్ ఐఓన్ (TCS iON) భాగస్వామ్య సంస్థల్లో ఎంపికైన విద్యార్థులకు రేపు (ఫిబ్రవరి 19) మధ్యాహ్నం 12 గంటలకు క్యాంపస్లో వైస్ ఛాన్సలర్ ఘంటా చక్రపాణి ఆఫర్ లెటర్లు అందజేయనున్నారు. ఈ మేరకు యూనివర్సిటీ ప్లేస్మెంట్ ఆఫీసర్ వేణుగోపాల్ రెడ్డి వివరాలు వెల్లడించారు.
రంజాన్ మాసం రాకముందే చార్మినార్ పరిసరాలను అద్దంలా తీర్చిదిద్దాలని అధికారులకు జిహెచ్ఎంసి కమిషనర్ ఆర్. వి. కర్ణన్ స్పష్టమైన ఆదేశాలు జారీ చేశారు.
నగర రూపురేఖలు మార్చాలని, విధుల్లో అలసత్వం వహిస్తే సహించబోనని అధికారులను హెచ్చరించిన సీఎం రేవంత్ రెడ్డి.
హల్దీరామ్ స్వీట్స్ సంచలనం: అత్తాపూర్లో ఫంగస్ పట్టిన స్వీట్ల విక్రయం. పోలీసుల FIR నమోదు – మేనేజ్మెంట్ మౌనం.
చంచల్గూడ జైలు నుంచి ఐబొమ్మ రవి విడుదల. వేల కోట్ల సినీ నష్టానికి కారణమైన పైరసీ నెట్వర్క్ కేసులో హైకోర్టు కీలక నిర్ణయం.