నెల్లూరు, సూర్య న్యూస్ : గత వైసీపీ ప్రభుత్వ హయాంలో గ్రామ పంచాయతీలకు కనీస నిధులు కూడా ఇవ్వలేదని ఆంధ్రప్రదేశ్ ఉప ముఖ్యమంత్రి పవన్ కళ్యాణ్ (Pawan Kalyan) తీవ్రస్థాయిలో విమర్శించారు. నెల్లూరు జిల్లా ఉదయగిరిలో జరిగిన సభలో పాల్గొన్న ఆయన మాట్లాడుతూ, 2019-24 మధ్య కాలంలో గ్రామాల్లో కనీసం బ్లీచింగ్ పౌడర్ కూడా కొనుగోలు చేయలేని దారుణమైన పరిస్థితి ఉండేదని ఆరోపించారు.
పల్లె పండుగతో మారుతున్న రూపురేఖలు
ముఖ్యమంత్రి చంద్రబాబు నాయుడు అండతో రాష్ట్రంలో పంచాయతీరాజ్ శాఖను బలోపేతం చేశామని పవన్ కళ్యాణ్ స్పష్టం చేశారు. రాష్ట్ర ప్రభుత్వం ప్రతిష్టాత్మకంగా అమలు చేస్తున్న ‘పల్లె పండుగ 3.0’ కార్యక్రమం ద్వారా భవిష్యత్తులో గ్రామాల రూపురేఖలు మరింతగా మారుతాయని ఆయన ఆశాభావం వ్యక్తం చేశారు.
పనుల తీరుపై ప్రజలు అప్రమత్తంగా ఉండాలి
గ్రామాల్లో జరుగుతున్న అభివృద్ధి పనుల విషయంలో ప్రజలు కూడా బాధ్యతగా వ్యవహరించాలని ఉప ముఖ్యమంత్రి సూచించారు. కాంట్రాక్టర్లు పనులను నాణ్యతతో సరిగా చేస్తున్నారా లేదా అన్నది స్థానికులు ఎప్పటికప్పుడు పరిశీలించాలని, ఒకవేళ పనుల్లో ఏవైనా లోపాలు ఉంటే వెంటనే సంబంధిత అధికారులకు ఫిర్యాదు చేయాలని పవన్ కళ్యాణ్ ప్రజలకు పిలుపునిచ్చారు.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
