సచివాలయంలో ముఖ్యమంత్రి రేవంత్ రెడ్డి అధ్యక్షతన జిల్లా కలెక్టర్ల సదస్సు జరిగింది. మార్చి 6 నుంచి ప్రారంభం కానున్న 99 రోజుల “ప్రజా పాలన–ప్రగతి ప్రణాళిక” అమలుపై సీఎం అధికారులకు కీలక దిశానిర్దేశం చేశారు. సంక్షేమ పథకాలు అర్హులైన ప్రతి ఒక్కరికీ అందేలా చూడాలని, విద్యా, వైద్య రంగాల్లో సంస్కరణలపై ప్రత్యేక దృష్టి సారించాలని ఆదేశించారు
ప్రపంచ వన్యప్రాణి దినోత్సవం సందర్భంగా సింగరేణి సంస్థ పర్యావరణ బాధ్యతను చాటుకుంది, తెలంగాణ వ్యాప్తంగా గనుల తవ్వకం జరిగిన ప్రాంతాల్లో పచ్చదనం పునరుద్ధరణ మరియు వన్యప్రాణుల రక్షణకు పెద్దపీట వేస్తున్నట్లు సంస్థ వెల్లడించింది.
తెలంగాణలో ప్రైవేటు పాఠశాలల ఫీజుల నియంత్రణకు రిటైర్డ్ జడ్జి లేదా మాజీ సీఎస్ ఆధ్వర్యంలో కమిటీ ఏర్పాటు కానుంది. వచ్చే విద్యా సంవత్సరం నుంచి విద్యార్థులకు అల్పాహారం, పాలు మరియు విద్యా కిట్లు అందించాలని సీఎం రేవంత్ రెడ్డి నిర్ణయించారు.
సైబర్ నేరాల బాధితులకు ఊరటనిస్తూ హైదరాబాద్ సిటీ పోలీస్ ‘సి-మిత్ర’ వర్చువల్ హెల్ప్డెస్క్ను అందుబాటులోకి తీసుకువచ్చింది. పోలీస్ స్టేషన్కు వెళ్లాల్సిన అవసరం లేకుండానే బాధితులు తమ ఇంటి నుండే ఆన్లైన్ ద్వారా ఎఫ్ఐఆర్ (FIR) నమోదు చేసుకోవచ్చు. ఏఐ (AI) సాంకేతికతతో ఫిర్యాదు పత్రాన్ని సిద్ధం చేసే ఈ సరికొత్త విధానం ద్వారా ఇప్పటికే వందకు పైగా కేసులు నమోదయ్యాయి.
ఆధ్వర్యంలో ‘యువ ఆపద మిత్ర’ మూడవ బ్యాచ్ శిక్షణ కార్యక్రమం అట్టహాసంగా ప్రారంభమైంది. ఫతుల్గూడలో 105 మంది వాలంటీర్లకు విపత్తు నిర్వహణ మరియు ప్రాణరక్షణ మెలుకువలపై అడిషనల్ డైరెక్టర్ వర్ల పాపయ్య కీలక దిశానిర్దేశం చేశారు. ప్రకృతి వైపరీత్యాల సమయంలో ప్రజలకు భరోసా ఇచ్చేలా వారం రోజుల పాటు ఈ ప్రత్యేక శిక్షణ కొనసాగనుంది.
పండిట్ దీన్ దయాళ్ ఉపాధ్యాయ దక్షిణాది రాష్ట్రాల ప్రశిక్షణ మహాభియాన్-2026 కార్యశాల హైదరాబాద్లో అట్టహాసంగా ప్రారంభమైంది. జాతీయ నేతలు బి.ఎల్. సంతోష్, తరుణ్ చుగ్లతో కలిసి పార్టీ నేత ఎన్. రామచందర్ రావు బీజేపీ పతాకాన్ని ఆవిష్కరించారు. దక్షిణాదిలో పార్టీ పటిష్టతే లక్ష్యంగా ఈ శిక్షణా తరగతులు కొనసాగనున్నాయి.
అంబేద్కర్ ఓపెన్ యూనివర్సిటీ విద్యార్థుల భవిష్యత్తును మెరుగుపరుస్తూ మరో కీలక ముందడుగు వేసింది. టీసీఎస్ ఐఓన్ (TCS iON) భాగస్వామ్య సంస్థల్లో ఎంపికైన విద్యార్థులకు రేపు (ఫిబ్రవరి 19) మధ్యాహ్నం 12 గంటలకు క్యాంపస్లో వైస్ ఛాన్సలర్ ఘంటా చక్రపాణి ఆఫర్ లెటర్లు అందజేయనున్నారు. ఈ మేరకు యూనివర్సిటీ ప్లేస్మెంట్ ఆఫీసర్ వేణుగోపాల్ రెడ్డి వివరాలు వెల్లడించారు.
పుణె ఈఎస్ఐసీ ఆసుపత్రిలో పార్లమెంటరీ అధికార భాషా కమిటీ తనిఖీలు చేపట్టింది. అధికార భాషా అమలులో ప్రతిభ కనబరిచినందుకు గాను ఆసుపత్రి యాజమాన్యానికి కమిటీ ప్రశంసా పత్రం అందజేసింది.
ముంబై క్లైమేట్ వీక్ సదస్సులో ముఖ్యమంత్రి రేవంత్ రెడ్డి కీలక ప్రకటనలు చేశారు. 2027 నాటికి హైదరాబాద్ ORR పరిధిని నెట్ జీరో జోన్గా మారుస్తామని, కాలుష్య పరిశ్రమలను నగరం వెలుపలికి తరలిస్తామని వెల్లడించారు. క్లైమేట్ ఎమర్జెన్సీని ఎదుర్కోవడంలో గ్రీన్ ఎనర్జీ పాత్రను ఆయన నొక్కి చెప్పారు.
సింగరేణి కార్మికుల దశాబ్దాల నిరీక్షణకు తెరపడింది. సంస్థలో ఇకపై ‘బదిలీ వర్కర్’ అనే పదం వినిపించదు. ఈ హోదాను ‘జనరల్ అసిస్టెంట్ ట్రెయినీ’గా మారుస్తూ సింగరేణి యాజమాన్యం చారిత్రక ఉత్తర్వులు జారీ చేసింది. కార్మిక సంఘాల విజ్ఞప్తి మేరకు, కార్మికులకు సామాజికంగా గౌరవప్రదమైన గుర్తింపునిచ్చేలా తీసుకున్న ఈ నిర్ణయం తక్షణమే అమలులోకి రానుంది.