Telangana Family Certificate : తెలంగాణలో కొత్తగా ఫ్యామిలీ సర్టిఫికెట్.. ఎక్కడ, ఎలా దరఖాస్తు చేసుకోవాలి? పూర్తి వివరాలు ఇవే..

New family certificate applications in Telangana : తెలంగాణ (Telangana) రాష్ట్రంలో కుటుంబ సభ్యుల సమగ్ర వివరాలను ఏ వ్యవస్థ అడిగినా సులభంగా అందించేందుకు రాష్ట్ర ప్రభుత్వం కొత్తగా ఫ్యామిలీ సర్టిఫికెట్ (Family Certificate) విధానాన్ని అందుబాటులోకి తెచ్చింది. డిప్యూటీ సీఎం భట్టి విక్రమార్క (Bhatti Vikramarka) ఈ విషయాన్ని స్పష్టం చేశారు. మహాత్మా జ్యోతిరావు పూలే ప్రజాభవన్‌లో నిర్వహించిన ఓ అవగాహన సదస్సులో ఆయన ఈ విధానాన్ని అధికారికంగా వెల్లడించారు.

రాష్ట్రంలో ప్రభుత్వ పథకాలు, రేషన్ కార్డులు, ఆరోగ్యశ్రీ, సన్నబియ్యం లాంటి సంక్షేమ ఫలాలను పొందుతున్న కుటుంబాల వివరాలను ప్రభుత్వం తహశీల్దార్ కార్యాలయంలో (Tahsildar Office) అందుబాటులో ఉంచింది. ఏ కుటుంబానికైనా తమ కుటుంబ సభ్యుల సమాచారం కావాలంటే తహశీల్దార్ కార్యాలయం లేదా మీసేవ కేంద్రం (MeeSeva Center) ద్వారా ఈ ఫ్యామిలీ సర్టిఫికెట్ పొందవచ్చు. ప్రభుత్వ లేదా ఇతర వ్యవస్థలు వివరాలు కోరినప్పుడు ఈ ధృవీకరణ పత్రం ఎంతో ఉపయోగపడుతుంది.

మరిన్ని బ్రేకింగ్ వార్తల కోసం

Surya News WhatsApp Channel లో జాయిన్ అవ్వండి

Join

రేషన్ కార్డు డేటాతో అనుసంధానం

ప్రభుత్వం రూపొందించే ఫ్యామిలీ రిజిస్టర్‌లో (Family Register) ప్రతి ఫ్యామిలీకి సంబంధించి పక్కా వివరాలను నమోదు చేయనున్నారు. రేషన్ కార్డు (Ration Card) నెంబర్‌నే ఈ రిజిస్టర్‌లో ఫ్యామిలీ రిజిస్టర్ ఐడెంటిఫికేషన్ నెంబర్‌గా పరిగణిస్తారు. సివిల్ సప్లైస్ కమీషనర్ నిర్వహించే ఫుడ్ సెక్యూరిటీ కార్డ్ డేటాబేస్ (Database) నుంచి ఎలక్ట్రానిక్ పద్ధతిలో వివరాలను సేకరించి ఈ రిజిస్టర్‌లో పొందుపరుస్తారు.

ఇందులో కుటుంబ యజమాని పేరు, కుటుంబంలోని ప్రతి ఒక్క సభ్యుని పేరు, యజమానితో ఉన్న సంబంధం, వయస్సు, పుట్టిన తేదీ (Date of Birth), లింగం, ఆధార్ సంఖ్య (Aadhaar Number), దరఖాస్తుదారు ప్రస్తుతం నివసిస్తున్న ఇంటి నెంబర్, వీధి, గ్రామం, వార్డు, మండలం, జిల్లా తదితర చిరునామా వివరాలు స్పష్టంగా పొందుపరుస్తారు.

దరఖాస్తు విధానం ఇలా (Application Process)

కుటుంబ సభ్యుల ధృవీకరణ పత్రం కావాలనుకునే పౌరులు నేరుగా సమీపంలోని మీసేవ కేంద్రం (MeeSeva Center) ద్వారా నిర్ణీత రుసుము చెల్లించి దరఖాస్తు చేసుకోవచ్చు. లేదంటే మీసేవ ఆన్‌లైన్ పోర్టల్ (Online Portal), మొబైల్ యాప్ ద్వారా కూడా అప్లై చేసుకునే సదుపాయం ఉంది. కుటుంబంలో వయస్సు నిండిన ఏ ఒక్క సభ్యుడైనా ఈ పత్రం కోసం దరఖాస్తు చేసేందుకు అర్హులు. దరఖాస్తు చేసుకున్న తర్వాత మీసేవ వ్యవస్థ ఆటోమేటిక్‌గా రేషన్ కార్డులోని చిరునామా ఆధారంగా సంబంధిత మండల తహశీల్దార్ లాగిన్‌కు ఆ దరఖాస్తును పంపుతుంది.