చెన్నై, సూర్య న్యూస్ : తమిళనాడు ముఖ్యమంత్రి విజయ్ (Thalapathy Vijay) తన సింప్లిసిటీతో మరోసారి అందరి మనసులూ గెలుచుకున్నారు. ఇటీవల జరిగిన ఓ కార్యక్రమంలో ఆయన వ్యవహరించిన తీరు ప్రస్తుతం సోషల్ మీడియాలో వైరల్‌గా మారింది. స్వయం సహాయక సంఘాల మహిళలకు చెక్కులు పంపిణీ చేసే కార్యక్రమంలో భాగంగా, ఓ వృద్ధురాలు ఏకంగా సీఎం విజయ్ భుజంపై చేయి వేసి ఆప్యాయంగా పలకరించడం అక్కడున్న వారిని ఆకట్టుకుంది.
ఆమె అలా చేసినా విజయ్ ఎలాంటి ఇబ్బంది పడకుండా, అంతే ఆప్యాయంగా ఆమెతో మాట్లాడుతూ ఫోటోకు ఫోజులిచ్చారు. ఏమాత్రం హంగు, ఆర్భాటం లేకుండా ఒక సామాన్యుడిలా వ్యవహరించిన ముఖ్యమంత్రి తీరుపై నెటిజన్లు ప్రశంసల జల్లు కురిపిస్తున్నారు.
తనను కలిసేందుకు వచ్చిన ప్రజలతో ఎప్పుడూ కలుపుగోలుగా ఉండే విజయ్.. ఈ సంఘటనతో మరోసారి తన మంచితనాన్ని చాటుకున్నారు. ప్రస్తుతం ఈ సంఘటనకు సంబంధించిన ఫోటోలు, వీడియోలు ఇంటర్నెట్‌లో విపరీతంగా షేర్ అవుతున్నాయి.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
