Hyderabad, Surya News: కేంద్ర విద్యాశాఖ మంత్రి (Union Education Minister Dharmendra Pradhan) వెంటనే తన పదవికి రాజీనామా చేయాలని డిమాండ్ చేస్తూ విద్యార్థి సంఘాల ఐక్య వేదిక రేపు (జూలై 24న) రాష్ట్రవ్యాప్తంగా విద్యాసంస్థల బంద్కు (Educational Institutions Bandh) పిలుపునిచ్చింది. ఈ మేరకు బుధవారం విద్యార్థి సంఘాల నాయకులు ఒక ఉమ్మడి ప్రకటనను విడుదల చేశారు.
దేశంలోని విద్యా వ్యవస్థను (Education System) తీవ్ర సంక్షోభంలోకి నెట్టిన కేంద్ర ప్రభుత్వం ఈ పరిస్థితికి పూర్తి బాధ్యత వహించాలని విద్యార్థి సంఘాల ప్రతినిధులు డిమాండ్ చేశారు. కేంద్ర ప్రభుత్వ విద్యార్థి వ్యతిరేక విధానాలను నిరసిస్తూ ఈ బంద్ చేపడుతున్నట్లు వారు స్పష్టం చేశారు.
ఈ రాష్ట్రవ్యాప్త బంద్ను విజయవంతం చేయాలని ఏఐఎస్ఎఫ్ (AISF), ఎస్ఎఫ్ఐ (SFI), ఎన్ఎస్ఈయూఐ (NSUI), పీడీఎస్ యూ (PDSU), ఏఐఎఫ్ఎస్ (AIFS), ఏఐఎస్ బీ (AISB), ఏఐపీఎస్ఈయూ (AIPSEU) తదితర ప్రధాన విద్యార్థి సంఘాలు సంయుక్తంగా కోరాయి. రేపు జరగబోయే నిరసన కార్యక్రమాలకు అన్ని విద్యాసంస్థలు మద్దతు ప్రకటించాలని విజ్ఞప్తి చేశాయి.
పాఠశాలలు, కళాశాలల బంద్ నేపథ్యంలో విద్యార్థులు, తల్లిదండ్రులు, ఉపాధ్యాయులు మరియు విద్యాసంస్థల యాజమాన్యాలు (School Managements) స్వచ్ఛందంగా ముందుకు వచ్చి సహకరించాలని కోరారు. విద్యా రంగాన్ని కాపాడుకునేందుకు చేపట్టే ఈ పోరాటంలో అందరూ భాగస్వాములు కావాలని విద్యార్థి సంఘాల ప్రతినిధులు మణికంఠ రెడ్డి, పుట్ట లక్ష్మణ్, టి.నాగరాజు, వెంకట స్వామి, పల్లె మురళి పిలుపునిచ్చారు.
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
