తమిళ స్టార్ హీరో, తమిళగ వెట్రి కళగం (TVK) పార్టీ అధ్యక్షుడు విజయ్ తన వ్యక్తిగత జీవితంపై సాగుతున్న ప్రచారానికి ఎట్టకేలకు తెరదించారు. తనపై వస్తున్న విడాకుల వార్తలు మరియు వివాదాలపై విజయ్ స్పందిస్తూ కీలక వ్యాఖ్యలు చేశారు. చెన్నై సమీపంలోని చెంగల్పట్టులో నిర్వహించిన మహిళా దినోత్సవ వేడుకల్లో పాల్గొన్న ఆయన, తన సమస్యల కారణంగా అభిమానులు ఇబ్బంది పడటం బాధగా ఉందని ఆవేదన వ్యక్తం చేశారు.
వ్యక్తిగత విషయాలను నేనే పరిష్కరించుకుంటాఇటీవల విజయ్ మరియు ఆయన భార్య సంగీత మధ్య విబేధాలు తలెత్తాయని, వారు విడాకులు తీసుకోబోతున్నారనే వార్తలు వైరల్ అవుతున్నాయి. దీనిపై విజయ్ స్పందిస్తూ.. “ఇటీవల నాకు ఎదురవుతున్న సమస్యలు, ఇబ్బందుల గురించి అభిమానులు ఆలోచించాల్సిన పనిలేదు. నా వ్యక్తిగత విషయాలను ఎలా పరిష్కరించుకోవాలో నాకు బాగా తెలుసు. మీరంతా కేవలం ప్రజా సమస్యలపైనే పోరాటం కొనసాగించండి” అని తన పార్టీ కార్యకర్తలకు పిలుపునిచ్చారు.
కోర్టుకెక్కిన సంగీత.. ఏప్రిల్ 20న విచారణమరోవైపు విజయ్ సతీమణి సంగీత కోర్టులో అనుబంధ పిటిషన్ దాఖలు చేసినట్లు సమాచారం. విడాకుల కేసు ముగిసే వరకు చెన్నైలోని విజయ్ ఇంట్లోనే ఉండేందుకు అనుమతి ఇవ్వాలని ఆమె న్యాయస్థానాన్ని కోరారు. నీలంగరై ఇంట్లో ఉండేందుకు అనుమతి కోరితే విజయ్ తనను బెదిరింపులకు గురిచేస్తున్నారని ఆమె ఆరోపించినట్లు తెలుస్తోంది. గత ఫిబ్రవరి 24నే సంగీత విడాకుల కోసం పిటిషన్ వేయగా, ఈ కేసుపై ఏప్రిల్ 20న విచారణ జరగనుంది. ఆ రోజున విజయ్ స్వయంగా కోర్టుకు హాజరుకావాలని న్యాయస్థానం నోటీసులు జారీ చేసింది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
