చెన్నై, సూర్యా న్యూస్ : తమిళనాడు అసెంబ్లీ ఎన్నికల (Tamil Nadu Assembly Elections) ఫలితాల్లో పెను సంచలనం నమోదైంది. ముఖ్యమంత్రి (CM MK Stalin) ప్రాతినిధ్యం వహిస్తున్న కొలత్తూర్ (Kolathur) నియోజకవర్గంలో ఆయన పరాజయాన్ని మూటగట్టుకున్నారు. దళపతి విజయ్ స్థాపించిన తమిళ వెట్రి కజగం (TVK) పార్టీ అభ్యర్థి వి.ఎస్. బాబు ఏకంగా 8,086 ఓట్ల మెజారిటీతో స్టాలిన్పై ఘన విజయం సాధించారు. ఇది అధికార డీఎంకే (DMK Party) శ్రేణులను తీవ్ర విస్మయానికి గురి చేసింది.
కొలత్తూర్ (Kolathur) నియోజకవర్గం 2011 నుంచి స్టాలిన్కు కంచుకోటగా (Stronghold) ఉంది. వరుస విజయాలతో దూసుకుపోతున్న డీఎంకే అధినేతకు ఈ ఎన్నికల్లో టీవీకే (TVK) పార్టీ నుంచి గట్టి పోటీ ఎదురైంది. ఎన్నికల సంఘం వెల్లడించిన అధికారిక ఫలితాల ప్రకారం వి.ఎస్. బాబు భారీ మెజారిటీతో స్టాలిన్ను ఓడించి రాజకీయ వర్గాలను ఆశ్చర్యానికి గురి చేశారు. ఒక ముఖ్యమంత్రి స్థాయి నాయకుడు తన సొంత నియోజకవర్గంలో ఓడిపోవడం రాష్ట్ర రాజకీయాల్లో చర్చనీయాంశంగా మారింది.
ఈ సంచలన విజయంతో సోషల్ మీడియాలో (Social Media) టీవీకే టేకోవర్ (TVK Takeover) అనే హ్యాష్ట్యాగ్ విపరీతంగా ట్రెండ్ అవుతోంది. దళపతి విజయ్ (Thalapathy Vijay) అభిమానులు మరియు టీవీకే కార్యకర్తలు రాష్ట్రవ్యాప్తంగా సంబరాలు చేసుకుంటున్నారు. రాజకీయాల్లోకి ఎంట్రీ ఇచ్చిన తొలి ఎన్నికల్లోనే ముఖ్యమంత్రిని ఓడించడం ద్వారా టీవీకే పార్టీ తమిళనాడు రాజకీయాల్లో (Tamil Nadu Politics) బలమైన ముద్ర వేసినట్లు విశ్లేషకులు భావిస్తున్నారు.
ఒకవైపు సీఎం స్టాలిన్ ఓటమి పాలైనప్పటికీ, ఆయన కుమారుడు ఉదయనిధి స్టాలిన్ (Udhayanidhi Stalin) తన నియోజకవర్గంలో ఆధిక్యంలో కొనసాగుతున్నారు. ఇది డీఎంకే పార్టీకి కొంత ఊరటనిచ్చే అంశం. అయితే పార్టీ అధినేత ఓటమితో డీఎంకే అగ్ర నాయకత్వం త్వరలో అత్యవసర సమావేశం ఏర్పాటు చేసి భవిష్యత్ వ్యూహాలపై సమీక్ష నిర్వహించే అవకాశం ఉంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
