చెన్నై, సూర్య న్యూస్ : తమిళనాడు అసెంబ్లీ ఎన్నికల్లో (Tamil Nadu Assembly Elections) ఆసక్తికర పరిణామం చోటుచేసుకుంది. రాజకీయ ఉద్ధండులైన డీఎంకే (DMK) మరియు అన్నాడీఎంకే (AIADMK) అభ్యర్థులను ఓడించి ఒక సామాన్య ఆటో డ్రైవర్ ఎమ్మెల్యేగా ఘన విజయం సాధించారు. నటుడు విజయ్ (Actor Vijay) స్థాపించిన టీవీకే (TVK) పార్టీ తరపున పోటీ చేసిన విజయ్ దాము ఈ అరుదైన ఘనతను సొంతం చేసుకున్నారు.
రాయపురం నియోజకవర్గం (Royapuram Constituency) నుంచి బరిలోకి దిగిన దాము ఈ ఎన్నికల్లో దాదాపు 55 వేల ఓట్లు సాధించారు. తన సమీప ప్రత్యర్థి పై 14,000 ఓట్ల భారీ మెజారిటీతో ఆయన గెలుపొందారు. ఈ స్థానంలో గతంలో ఐదు సార్లు ఎమ్మెల్యేగా గెలిచిన అన్నాడీఎంకే సీనియర్ నాయకుడు డి. జయకుమార్ ఏకంగా మూడో స్థానానికి పరిమితం అయ్యారు. అలాగే డీఎంకే అభ్యర్థి సుబైర్ ఖాన్ రెండో స్థానంలో నిలిచారు. ఒక సామాన్యుడు బలమైన పార్టీల అభ్యర్థులను మట్టికరిపించడం రాష్ట్ర రాజకీయాల్లో చర్చనీయాంశంగా మారింది.
దాము గతంలో విజయ్ మక్కల్ ఇయక్కం (Vijay Makkal Iyakkam) లో క్రియాశీల సభ్యుడిగా పనిచేశారు. ఆయన గ్రౌండ్ లెవెల్ లో ప్రజలతో మమేకమై వారి సమస్యల పరిష్కారం కోసం పనిచేశారు. ఎన్నికల అభ్యర్థుల ప్రకటన సమయంలో పార్టీ అధినేత విజయ్, దామును కౌగిలించుకుని కంటతడి పెట్టిన దృశ్యాలు సోషల్ మీడియాలో వైరల్ అయ్యాయి. సామాన్యుడి గొంతుక అనే నినాదంతో టీవీకే పార్టీ చేసిన ప్రచారం ప్రజల్లోకి బలంగా వెళ్ళింది. ముఖ్యంగా స్థానిక మత్స్యకారుల (Fishermen) సమస్యల పరిష్కారానికి ఇచ్చిన హామీలు దాము గెలుపులో కీలక పాత్ర పోషించాయి. ఈ ఫలితాలతో తమిళనాడు రాజకీయాల్లో మార్పు స్పష్టంగా కనిపిస్తోంది.
ఈ వార్తపై మీ స్పందన?
🔥 గత 24 గంటల్లో అత్యధికంగా చదివిన వార్తలు
ఇవి గత 24 గంటల్లో ఎక్కువ మంది చదివిన వార్తలు
